लसूणघास हे बहुवार्षिक पौष्टिक द्विदलवर्गीय चारापीक आहे. या चाऱ्यापासून वर्षभर हिरवा चारा उपलब्ध होतो. लसूणघासाचे तीन वर्षांतून दोन वेळा बीजोत्पादन घेतल्यास अधिक फायद्याचे ठरते.
लसूणघास लागवडीसाठी मध्यम पोयटायुक्त; तसेच काळी कसदार व उत्तम निचरा होणारी जमीन निवडावी. आम्लयुक्त जमिनीत बियाण्याची उगवण कमी प्रमाणात होते. त्यामुळे लसूणघासाची प्रती हेक्टरी रोपांची संख्या कमी होते, उत्पादनात घट येते.
1) हे पीक तीन वर्षांपर्यंत शेतात असल्याने जमिनीची चांगली मशागत करावी. लागवडीसाठी तीन मीटर रुंदीचे वाफे तयार करावेत, वरंबे थोडे रुंद व जाड करावेत. जमिनीच्या उतारानुसार वाफ्याची रुंदी ठेवावी किंवा 3 x 4 मीटर अंतरावर वाफे तयार करून घ्यावेत.
2) जास्त पावसाच्या भागात व काळ्या जमिनीत वरंबे प्रमाणापेक्षा जास्त उंच ठेवू नयेत, कारण पावसाळ्यात वाफ्यामध्ये पाणी साचून राहते. त्यामुळे मर रोगाचा प्रादुर्भाव दिसतो. पीक विरळ होते.
3) लसूणघासाचे भेसळविरहीत न फुटलेले टपोरे व शुद्ध बियाणे पेरणीसाठी वापरावे. लसूणघासाच्या बियाण्यामध्ये अमरवेल व इतर बियाण्याची भेसळ आढळल्यास बियाणे पेरणीपूर्वी चाळून घेतल्यास घासाच्या बियापेक्षा लहान असलेले अमरवेलाचे बियाणे व इतर तणांचे बी वेगळे करता येते.
4) पेरणीपूर्वी प्रती किलो बियाण्यास 30 ग्रॅम रायझोबियम जीवाणू संवर्धकाची बीजप्रक्रिया करावी. सर्वसाधारण एक हेक्टर क्षेत्रावर घासाची पेरणी करावयाची असल्यास चार लिटर पाण्यात 500 ग्रॅम गूळ मिसळावा. हे मिश्रण उकळून थंड करावे. त्यात 250 ग्रॅम रायझोबीयम जिवाणू संवर्धक मिसळावे. हे द्रावण बारीक चाळलेल्या मातीत चांगले मिसळून घ्यावे. नंतर 25 किलो बियाण्यास हळुवारपणे चोळावे. थोडा वेळ सावलीत वाळवून नंतर पेरणी करावी.
5) सध्याची परिस्थिती पहाता पेरणी डिसेंबरच्या शेवटच्या आठवड्यापर्यंत पेरणी करता येईल. पेरणीसाठी हेक्टरी 25 किलो बियाणे लागते. पेरणी करताना दोन ओळींतील अंतर 30 सें.मी. ठेवावे. त्यामुळे आंतरमशागत करणे सोपे जाते.
6) काही शेतकरी लसूणघासाची पेरणी बी फोकून करतात. त्यामुळे बियाणे जास्त लागते. उगवण एकसारखी होत नाही. पुढे आंतरमशागत करता येत नाही. तणांचा प्रादुर्भाव जास्त झाल्यास तणासकट घासाचे रोपे मुळासकट उपटली जातात व शेतात नांगे पडतात.
1) पिकाच्या जोमदार वाढीसाठी हेक्टरी 10 टन चांगले कुजलेले शेणखत अथवा कंपोस्ट खत पेरणीपूर्वी शेवटच्या कुळवणी अगोदर शेतात सारख्या प्रमाणात पसरावे.
2) पेरणीच्या वेळी हेक्टरी 20 किलो नत्र, 80 किलो स्फुरद व 40 किलो पालाश द्यावे.
3) बहुवार्षिक लसूण घासापासून भरपूर चारा उत्पादनासाठी; तसेच चार कापण्यांनंतर खुरपणी करून हेक्टरी 15 किलो नत्र, 50 किलो स्फुरद किंवा 100 किलो डीएपी द्यावे.
1) हे पीक बहुवार्षिक असलेने त्यामध्ये तणांचा प्रादुर्भाव वाढतो. त्यामुळे लसूणघासाची प्रत्येक कापणीनंतर खुरपणी करावी. तीन कापण्यांनंतर कोळपणी करावी. त्यामुळे माती भुसभुशीत राहून जमिनीत हवा खेळती राहते. पिकाच्या मुळाजवळील खोडाच्या भागात मातीची भर लागते. पीक जोमदार वाढते.
1) जमिनीचा मगदूर व हंगामानुसार वेळेवर पुरेसे पाणी देणे महत्त्वाचे आहे. त्यामुळे पिकाची वाढ जोमदार होते, चांगले उत्पादन मिळते.
2) हिवाळ्यात 10 ते 12 दिवसांनी, उन्हाळ्यात 8 ते 10 दिवसांनी व पावसाळ्यात गरजेनुसार पाण्याच्या पाळ्या द्याव्यात. प्रमाणापेक्षा जास्त पाणी दिल्यास घासाचे रोपे मरण्याचे प्रमाण वाढते.
1) लसूणघासाची पहिली कापणी पेरणीनंतर 45 ते 50 दिवसांनी जमिनीपासून 5 सें.मी. उंचीवरून धारदार विळ्याने करावी. त्यापुढील कापण्या 21 ते 25 दिवसांच्या अंतराने कराव्यात.
1) लसूणघासाचे सरासरी 100 ते 120 टन हिरव्या चाऱ्याचे (10 ते 12 कापण्या) उत्पादन वर्षभरात मिळते.
2) बियाण्याचे उत्पादन 4 ते 5 क्विंटल मिळते.
पश्चिम महाराष्ट्रात मध्यम खोल जमिनीमध्ये बहुवार्षिक लसूणघास पिकापासून हिरवाचारा व बीजोत्पादनापासून अधिक आर्थिक फायद्यासाठी विद्यापीठाने केलेली शिफारस....
1) लसूणघासाची पेरणी 30 सें.मी. अंतरावर ओळीत करावी.
2) पेरणीनंतर दीड वर्ष हिरव्या चाऱ्याचे उत्पादन घ्यावे.
3) दीड वर्षानंतर मार्च महिन्याच्या दुसऱ्या पंधरवड्यापासून ते मेच्या शेवटच्या आठवड्यापर्यंत लसूणघासाचे पहिल्या वेळी बीजोत्पादन घ्यावे.
4) पहिल्या बीजोत्पादनानंतर पुढील वर्षीच्या मार्च महिन्याच्या दुसऱ्या पंधरवड्यापर्यंत हिरवा चाऱ्याचे उत्पादन घेऊन दुसऱ्यांदा बीजोत्पादन घ्यावे.
1) 19 ते 22 टक्के , स्निग्ध पदार्थ 2.3 टक्के , खनिजे 10.99 टक्के , काष्टमय तंतू 30.13 टक्के , पिष्टमय पदार्थ कर्बोदके 36.62 टक्के.
2) चाऱ्यात अ आणि ड जीवनसत्व असते.
1) जमीन, हवामान व पाण्याच्या उपलब्धतेनुसार वार्षिक अथवा बहुवार्षिक सुधारित जातींची निवड करावी.
2) आनंद-2, आनंद-3 आणि आनंद-8 या वार्षिक जाती आहेत.
3) चारापिके संशोधन प्रकल्पाने आरएल-88 ही सुधारीत बहुवार्षिक जात विकसित केली आहे.
संपर्क डॉ. बी. टी. सिनारे - 9423732876
( लेखक अखिल भारतीय समन्वित चारा पिके संशोधन प्रकल्प, महात्मा फुले कृषी विद्यापीठ, राहुरी जि. नगर येथे कार्यरत आहेत)
स्त्रोत: अग्रोवन
अंतिम सुधारित : 10/7/2020
प्रसूतिपूर्व, विताना आणि विल्यानंतर होणारे कोकरांच...
अपघातात कायमचे अपंगत्व आलेल्या अकोला जिल्ह्यातील प...
शेळीपासून मांस, शिंगे व खुरे यांपासून डिंकासारखे प...
करडांच्या शरीरस्वास्थ्य सुयोग्य राखण्यासाठी सकस आह...