फुले जयवंत या गवताची लागवड ठोंबे (मुळासह कांड्या) लावून करावी लागते. साधारणपणे ३ महिने वाढ झालेल्या पिकाच्या खोडाच्या जमिनीकडील २/३ भागातील २ किंवा ३ डोळे असणा-या कांड्या काढून लावल्यास त्यांची वाढ चांगली व भरपूर फुटवे येतात. लागवड करताना ९० x ६० सेंमीवर करावी. साधारणपणे प्रत्येक ठिकाणी २ ठोंबे लावल्यास हेक्टरी ३७,000 ठोंबे लागतील.
पाण्याची उपलब्धता मुबलक असल्यास १५ अंश से.पेक्षा कमी तापमानाचा (थंडीचा) काळ वगळता वर्षभर केव्हाही लागवड करता येते. पावसाळ्यात जून ते ऑगस्ट व उन्हाळ्यात फेब्रुवारी ते मार्च या काळात लागवड केल्यास पिकांच्या वाढीसाठी व स्थिरतेसाठी योग्य असतो.
हेक्टरी ३५-४० टन चांगले कुजलेले शेणखत मशागतीच्या वेळी जमिनीत मिसळावे.
लागवडीच्या वेळी हेक्टरी ६o किलोग्रॅम नत्र, ५० किलोग्रॅम स्फुरद आणि २५ किलोग्रॅम पालाश ध्यावे. भरपूर व पौष्टिक चारा उत्पादनासाठी प्रत्येक कापणीनंतर हेक्टरी २५ किलोग्रॅम नत्र द्यावे. प्रत्येक २-३ कापण्या झाल्यावर रासायनिक नत्र व सेंद्रिय खते आळीपाळीने दिल्यास अधिक उपयोगी आहे.
उन्हाळी (फेब्रुवारी-मार्च) लागवडीसाठी सुरुवातीस २ व त्यानंतर दर १o-१५ दिवसांनी पाण्याच्या पाळ्या द्याव्यात. पावसाळ्यात दर ३-४ आठवड्यांनी पाणी दिले, तरी पुरेसे आहे.
फुले जयवंत चान्याची पहिली कापणी लागवडीपासून ९ ते १o आठवड्यांनी म्हणजे ६0-७0 दिवसांनी करावी. त्यानंतरच्या कापण्या दर ६ ते ७ आठवड्यांनी (४०-५० दिवसांनी) कराव्यात. अशा रीतीने वर्षभरात जवळपास ८ ते ९ कापण्या सहज घेता येतात. कापणी जमिनीपासून १५ ते २० सेंमी. अंतरावर करावी म्हणजे फुटवे फुटण्यास चांगली मदत होते.
काळ्या कसदार अशा चांगल्या जमिनीत लागवड केल्यास तसेच पाण्याची सोय व उत्तम अन्न व्यवस्थापन असल्यास फुले जयवंत या संकरित वाणापासून हेक्टरी २५०-३०० टन हिरवा चारासहज मिळू शकतो.
अ.क्र. | गुणधर्म | सरासरी वैशिष्ट्ये |
---|---|---|
१ | पिकाची उंची (से.मी.) | १६७.३ |
२ | फुटव्यांची संख्या | ६२.२ |
३ | फुटव्यांची लांबी (से.मी.) | १४३.५ |
४ | फुटव्यांची जाडी (से.मी.) | २.९ |
५ | पानांची लांबी (से.मी.) | ९६.२ |
६ | पानांची रुंदी (से.मी.) |
२.३ |
७ | पाने व कांडी यांचे प्रमाण | १.४२ |
स्त्रोत - कृषी विभाग महाराष्ट्र शासन
अंतिम सुधारित : 8/2/2023
मका हे पीक मुरघास बनविण्यासाठी चांगले आहे. त्याचबर...
यंदा राज्यात पाऊस कमी झाल्याने शेतक-यांना व पशुपाल...
भारतातील सुपरिचित वन्य गवतांपैकी हे एक गवत आहे. मै...
चारा पिकासाठी मक्याची पेरणी मार्च महिन्यात पूर्ण ...