विजांची रंगीत आतषबाजी
अनेकदा विजा वेगवेगळ्या रंगांच्या दिसतात. पांढऱ्याशुभ्र, निळसर, जांभळ्या, लालसर, केसरी इतकेच नाही, तर हिरव्या व पिवळ्या रंगांच्या विजाही दिसतात. विजांमध्ये इंद्रधनुष्याप्रमाणे सर्व रंगछटा आढळून येतात. विजांच्या रंगांची आतषबाजी खालील घटकांवर अवलंबून असते.
- कुठलाही रंग प्रकाशाची डोळ्यांपर्यंत पोचणारी तरंगलांबी (वेव्हलेंथ) किंवा वारंवारिता, कंप्रता (फ्रिक्वेन्सी) यावर अवलंबून असतो.
- जेव्हा विजांचे तापमान जास्त असते तेव्हा त्या पांढऱ्याशुभ्र किंवा निळसर दिसतात तर कमी तापमानाच्या विजा तांबूस किंवा लालसर दिसतात.
- विजा चमकतांना पाण्याच्या थेंबातून प्रकाशाचे पृथक्करण झाल्याने एकच वीज वेगवेगळ्या लोकांना वेगवेगळ्या रंगांची भासू शकते. जवळून लालसर वाटणाऱ्या विजा दुरून पांढऱ्या किंवा दुधी रंगाच्या भासण्यामागे विजा व वेगवेगळ्या व्यक्तींच्या पाहताना होणारा कोन हा महत्त्वाचा घटक आहे.
- सकाळी किंवा सायंकाळी जास्त अंतर कापत सूर्य प्रकाशाच्या होणाऱ्या वक्रीभवनाप्रमाणेच क्षितिजाजवळच्या मात्र दूरवर चमकणाऱ्या विजा अनेकदा गुलाबी किंवा केशरी रंग छटांमध्ये दिसतात.
- वातारणातील धूलिकण, धुके, धूर, बर्फाचे कण, गारा, सूर्यप्रकाश, चंद्रप्रकाश, विविध पथदीप किंवा इतर उजेड यामुळे देखील विजांचा रंग वेगळा भासतो.
- विज पडताना वातारणातील विविध वायूंचे विघटन होत त्याचे आयन बनताना स्थानिक हवामानानुसार वायू-प्रदूषणाच्या घटकांचे प्रकार व प्रमाण यावर देखील विजांचा रंग अवलंबून असतो.
- विजा ज्या वस्तूवर कोसळतात त्या वस्तूंच्या विघटनातून निर्माण होणाऱ्या प्रकाशावरही दिसणारा रंग अवलंबून असतो. विद्युत खांबावर व उच्च दाबाच्या विद्युत प्रवाहावर किंवा ऊर्जा केंद्रावर तसेच ट्रान्स्फॉर्मर (रोहित्र) आदींवर कोसळणाऱ्या विजांच्या ठिणग्या हिरव्या, पिवळ्या रंगछटांमध्ये दिसतात.
- दोन विजा एकाच रंगाच्या कधीच नसतात. इतकेच नाही तर एकाच विजेच्या वेगवेगळ्या शलाकादेखील विविध रंगछटा घेत अवतरतात.
- विजांचे फोटो काढताना कॅमेऱ्यांच्या क्षमतांनुसार व प्रिंटिंगच्या प्रकारानुसारदेखील विजांचे रंग छायाचित्रणात वेगळे दिसू शकतात.
स्त्रोत: अग्रोवन
अंतिम सुधारित : 10/7/2020
0 रेटिंग्स आणि 0 टिप्पण्या
तार्यांवर रोल करा, नंतर दर क्लिक करा.
© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.