অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

कांदा पिकाचे व्यवस्थापन

कांदा पिकाचे व्यवस्थापन

राज्यातील बहुतांश भागांत ढगाळ वातावरण तयार झाले आहे. सकाळी पडणारे धुके आणि दंव, तसेच जास्त आर्द्रता आणि कमी तापमानासोबतच ढगाळ वातारण, कांदा पिकात बुरशीजन्य आणि जिवाणूजन्य रोगांच्या वाढीसाठी पोषक ठरते.

  1. ढगाळ वातावरणात पानांवर येणारा जांभळा करपा (पर्पल ब्लॉच) , तपकिरी करपा (स्टेमफिलीयम ब्लाईट) आणि करपा (कोलिटोट्रायकम ब्लाईट) या रोगांचा कांदापिकावर प्रादुर्भाव होऊन मोठे नुकसान होऊ शकते.
  2. या रोगांचा प्रादुर्भाव होऊ नये म्हणून पायरॅक्‍लोस्ट्रॉबीन + मेटिराम हे संयुक्त बुरशीनाशक 2 ग्रॅम प्रति लिटर किंवा ट्रायफ्लोक्‍झीस्ट्रोबीन + टेब्युकोनॅझोल हे संयुक्त बुरशीनाशक 2 ग्रॅम प्रतिलिटर पाण्यात मिसळून फवारणी करावी. या द्रावणात सर्फेक्‍टंट मिसळावा.
  3. ढगाळ वातावरण निवळल्यानंतर खुरपणी करून तणनियंत्रण करावे. आंतरमशागत केल्याने जमीन भुसभुशीत होऊन हवा खेळती राहील.
  4. काढणीसाठी तयार असलेल्या कांदा पिकामध्ये अशा वातावरणात जिवाणूजन्य सड (बॅक्‍टेरीयल सॉफ्ट रॉट) या रोगाचा प्रादुर्भाव होऊ शकतो. या रोगाच्या नियंत्रणासाठी स्ट्रेप्टोमायसीन 200 पीपीएम. (1 ग्रॅम प्रति 5 लिटर पाणी) अधिक कार्बेन्डाझिम 1 ग्रॅम प्रतिलिटर पाण्यात मिसळून फवारणी करावी. या द्रावणात सर्फेक्‍टंट मिसळावा.
  5. फुलकिडीच्या नियंत्रणासाठी डेल्टामेथ्रीन 1 मि.लि. किंवा फिप्रोनिल 1.5 मि.लि. किंवा कार्बोसल्फान 2 मि.लि. प्रतिलिटर पाण्यात मिसळून फवारणी करावी. या द्रावणात सर्फेक्‍टंट मिसळावा.
  6. रब्बी हंगामासाठी रोपवाटिकेत कांदा बियाण्याची पेरणी झाली आहे. सध्या 25ते 30 दिवसांपर्यंतच्या रोपवाटिकेमध्ये ढगाळ वातावरणात मर रोगाचा प्रादुर्भाव होऊ शकतो. रोगाच्या नियंत्रणासाठी कॉपर ऑक्‍झिक्‍लोराईड 3 ग्रॅम प्रतिलिटर पाण्यात मिसळून फवारणी करावी. त्यानंतर लगेचच 3 दिवसांनी कार्बेन्डाझिम 1 ग्रॅम प्रतिलिटर पाण्यात मिसळून रोपवाटिकेत भिजवणी (ड्रेचिंग) करावी.

 

संपर्क - (02550)-237816,237551,202422
तुषार आंबरे - 9850116584
डॉ. आर. सी. गुप्ता - 9422497764
राष्ट्रीय बागवानी संशोधन आणि विकास प्रतिष्ठान
चितेगाव फाटा, जि. नाशिक

स्त्रोत: अग्रोवन

अंतिम सुधारित : 10/7/2020



© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate