डाळिंबामध्ये बहाराचे नियोजन काळजीपूर्वक करावे. आंबे बहारात कीड आणि रोगांचे प्रमाण कमी असते. उत्पादन चांगले मिळते. संरक्षित पाणी असल्यास आंबे बहार धरणे फायद्याचे ठरते.
डाळिंब हे पूर्णतः सदाहरित अथवा पूर्णतः पानझडी गटामध्ये मोडत नाही. डाळिंबाच्या झाडाला निर्सगतः वर्षभर फुले आणि फळे येत असतात. उत्तम दर्जाचे फळे आणि अधिक उत्पादन घेण्यासाठी योग्य तो बहार धरणे महत्त्वाचे आहे. डाळिंबामध्ये बहाराचे नियोजन करताना डाळिंब बागाईतदारांनी पुढील बाबी विचारात घ्याव्या.
डाळिंबामध्ये प्रामुख्याने मृग बहार, हस्त बहार आणि आंबे बहार असे तीन बहार घेतले जातात. आंबे बहारात जानेवारी-फेब्रुवारीमध्ये फुले येतात. फळांची काढणी जून-ऑगस्टमध्ये येते. या बहारात भरपूर फुले येतात, फळांचा रंग आणि प्रत अतिशय चांगली असते. आंबे बहारात कीड आणि रोगांचे प्रमाण कमी अतिशय कमी असते. उत्पादन चांगले मिळते. संरक्षित पाणी असल्यास आंबे बहार धरणे फायद्याचे ठरते.
डाळिंबाला एकाच वेळी फुले आणि फळे येण्यासाठी झाडांना विशिष्ट कालावधीसाठी विश्रांती, पाणी तोडणे, पानगळ करून छाटणी करणे या बाबी महत्त्वाच्या असतात.
-- ---- -- ---- -- ---- खताची मात्रा प्रति झाड ---- -- ---- --
जाडाचे वय (वर्ष) ---- शेणखत (किलो) ---- नत्र (ग्रॅम) ---- युरिया (ग्रॅम) ---- स्फुरद (ग्रॅम) ---- एसएसपी (ग्रॅम) ---- पालाश (ग्रॅम) ---- एमओपी (ग्रॅम)
1 ---- 10 ---- 250 ---- 540 ---- 125 ---- 800 ---- 125 ---- 200
2 ---- 20 ---- 250 ---- 540 ---- 125 ---- 800 ---- 125 ---- 200
3 ---- 30 ---- 500 ---- 1100 ---- 125 ---- 800 ---- 125 ---- 200
4 ---- 40 ---- 500 ---- 1100 ---- 125 ---- 800 ---- 250 ----400
5 व पुढील ---- 50 ---- 625 ---- 1400 ---- 250 ----1600 ---- 250 ---- 400
डाळिंब हे उष्ण कटीबंधातील फळपीक असून, फार कमी पाणी लागते.
येथे चौकट नं. 2 - compose/29-11-2014/agr-cs6 (a)
महिना ---- लि/दिवस/झाड ---- महिना ---- लि/दिवस/झाड
जानेवारी ---- 17 ---- मे ---- 44
फेब्रुवारी ---- 18 ---- जून ---- 30
मार्च ---- 31 ---- जुलै ---- 22
एप्रिल ---- 40 ---- ऑगस्ट ---- 20
डाळिंबाच्या झाडाला अति पाणी दिल्यास सूत्रकृमी, मर आणि बुरशीजन्य रोगांचा प्रादुर्भाव होण्याची शक्यता असते.
शाश्वत डाळिंब उत्पादन घेण्यासाठी डाळिंब झाडाच्या वयाप्रमाणे फळांचे उत्पादन घ्यावे.
संपर्क - डॉ. संतोष मरभळ, 9405851848
02555-235555
(डाळिंब संशोधन आणि तंत्रज्ञान प्रसार केंद्र,
लखमापूर, ता. सटाणा, जि. नाशिक.)
स्त्रोत: अग्रोवन
अंतिम सुधारित : 10/7/2020
जमिनीत वाढणाऱ्या खोडाच्या टोकास सु. १मी. लांब, बिन...
मध्यम, ओलावा टिकवून ठेवणारी; परंतु पाण्याचा निचरा ...
या विभागात अंजीर या फळ पिकाविषयी माहिती दिली आहे.
द्राक्षास सर्वाधिक दर मुंबई बाजारपेठेत डिसेंबरमध्य...