पडीक जमिनीवर कोणती झाडे लावावीत

वनवृक्षांची लागवड

वनशेतीसाठी मुख्यतः कोरडवाहू अथवा पडीक जमिनीची निवड करावी. यामध्ये माळरान व टेकड्या, शेतरस्त्याचा काठ, मध्यम व उथळ खोलीची जमीन, नाल्याच्या किनाऱ्यांवर वनवृक्षांची लागवड केली जाते. या लागवडीमुळे जमिनीची धूप थांबविण्यास मदत होते. कृषी वनशेतीमुळे एकाच जमिनीच्या तुकड्यापासून पीकउत्पादनाबरोबर वृक्षांपासून चारा, लाकूड असा दुहेरी फायदा मिळतो. डोंगरउतारावर झाडांची आणि गवतांची लागवड करावयाची असेल, तर सलग समपातळी चरांची आखणी करावी.

वनशेतीसाठी वृक्षांची निवड

• हिरवा चारा - सुबाभूळ, अंजन, शिवण, शिरस, खैर, आपटा, कांचन, पांगारा, नीम, पळस, शेवरी, हादगा, बाभूळ.
• जळणासाठी लाकूड- निलगिरी, बाभूळ, सुरू, पळस, करंज, हादगा, शेवरी.
• फळझाडे - आंबा, चिंच, बोर, आवळा, जांभूळ, सीताफळ, पेरू.
• औद्योगिक उत्पादनाकरिता - नीम, बाभूळ, तुती, करंज, धावडा, निलगिरी, बांबू, एरंड.
• लाकडासाठी झाडे - साग, नीम, बाभूळ, शिरस, सुरू, काशीद, करंज, शिवण.
• जैविक इंधनाकरिता - करंज, वन एरंड, सीमारुबा.

स्त्रोत: अग्रोवन