Skip to content. | Skip to navigation

Vikaspedia


T2 2019/10/18 13:53:28.951048 GMT+0530
शेअर करा

T3 2019/10/18 13:53:28.958375 GMT+0530
Views
  • स्थिती: संपादनासाठी खुला

T4 2019/10/18 13:53:28.991876 GMT+0530

अशी करावी गहू लागवड

गहू लागवडीसाठी पाण्याचा चांगला निचरा होणारी, मध्यम ते भारी जमीन निवडावी.

गहू लागवडीसाठी पाण्याचा चांगला निचरा होणारी, मध्यम ते भारी जमीन निवडावी. जिरायती गव्हाची पेरणी ऑक्‍टोबरच्या दुसऱ्या पंधरवड्यात करावी. बागायती गव्हाची पेरणी नोव्हेंबरच्या पहिल्या पंधरवड्यात करावी. बागायती गव्हाची पेरणी 15 नोव्हेंबरनंतर उशिराने केल्यास प्रत्येक पंधरवड्यात गव्हाचे उत्पादन हेक्‍टरी 2.5 क्विंटल एवढे घटते असे आढळून आलेले आहे.
पश्‍चिम महाराष्ट्रातील बागायती क्षेत्रातील काळ्या जमिनीत सोयाबीन- गहू या पीक पद्धतीमध्ये गव्हाची पेरणी 12 ते 18 नोव्हेंबर या कालावधीत करावी. बागायत उशिरा गव्हाची पेरणी उशिरात उशिरा म्हणजे डिसेंबरअखेरपर्यंत करावी. उशिरा पेरणी केलेल्या गव्हास थंड हवामानाचा कालावधी कमी मिळत असल्यामुळे उत्पादनात बरीच घट येते.

पेरणीच्या पद्धती

बागायत वेळेवर पेरणीसाठी जमिनीत ओलावा नसल्यास जमीन ओलावून घ्यावी. वाफसा आल्यानंतर जमीन कुळवावी. पेरणीसाठी प्रति हेक्‍टरी 100 ते 125 किलो बियाणे वापरावे. रासायनिक खतांचा पहिला हप्ता आणि गहू बियाणे दोन चाड्यांच्या पाभरीने एकत्रित पेरावे. एकेरी पेरणी करावी. त्यामुळे योग्य प्रकारे आंतरमशागत करता येते.
बागायत उशिरा पेरणीसाठी प्रति हेक्‍टरी 125 ते 150 किलो बियाणे रासायनिक खतांच्या पहिल्या हप्त्यासह दोन चाड्यांच्या पाभरीने एकेरी पद्धतीने पेरावे. 
गव्हाच्या बियाण्यास पेरणीपूर्वी प्रति किलो बियाणास तीन ग्रॅम थायरमची बीज प्रक्रिया करावी. यानंतर प्रति किलो बियाण्यासाठी 25 ग्रॅम ऍझोटोबॅक्‍टरची बीजप्रक्रिया करावी. हे जिवाणूसंवर्धक कीडनाशक आणि रासायनिक खतांबरोबर एकत्रित मिसळू नये. जिवाणूसंवर्धकामुळे बियाण्याची उगवण लवकर व चांगली होते, तसेच उत्पादनातही वाढ होते.

पीक व्यवस्थापन

बागायत वेळेवर पेरणीसाठी प्रति हेक्‍टरी 25 ते 30 गाड्या शेणखत वापरावे, तसेच प्रति हेक्‍टरी 120 किलो नत्र, 60 किलो स्फुरद (375 कि. सिंगल सुपर फॉस्फेट) आणि 40 किलो पालाश (65 कि. म्युरेट ऑफ पोटॅश) द्यावे. निम्मे नत्र (130 कि. युरिया) आणि संपूर्ण स्फुरद व पालाश पेरणीच्या वेळी द्यावे. उरलेले निम्मे नत्र (130 कि. युरिया) पेरणीनंतर तीन आठवड्यांनी खुरपणी करून द्यावे.
बागायत उशिरा पेरणीसाठी पेरणीच्या वेळी प्रति हेक्‍टरी 40 किलो नत्र (87 कि. युरिया), 40 किलो स्फुरद (250 कि. सिंगल सुपर फॉस्फेट) आणि 40 किलो पालाश (65 कि. म्युरेट ऑफ पोटॅश) द्यावे.
पेरणीनंतर तीन आठवड्यांनी शेताची खुरपणी करून प्रति हेक्‍टरी 40 किलो नत्राची मात्रा (87 कि. युरिया) द्यावी.

पाणी व्यवस्थापन

जिरायती गहू पिकाची वाढ ही जमिनीतील उपलब्ध ओलाव्यावरच होत असते. बागायत वेळेवर आणि बागायत उशिरा पेरणी केलेल्या गहू पिकासाठी जमिनीच्या मगदुरानुसार पाण्याच्या पाळ्या कमी- जास्त होऊ शकतात. गहू पिकास देण्यासाठी एकच पाणी उपलब्ध असेल तर ते पेरणीनंतर 40 ते 42 दिवसांनी द्यावे.

सुधारित वाण

  • जिरायती पेरणीसाठी - पंचवटी (एनआयडीडब्ल्यू- 15), शरद (एकेडीडब्ल्यू- 2997- 16)
  • जिरायती आणि मर्यादित सिंचन - नेत्रावती (एनआयएडब्ल्यू- 1415)
  • बागायत वेळेवर पेरणीसाठी - तपोवन (एनआयएडब्ल्यू- 917), गोदावरी (एनआयडीडब्ल्यू- 295), त्र्यंबक (एनआयएडब्ल्यू-     301), एमएसीएस- 6222
  • बागायत उशिरा पेरणीसाठी - एनआयएडब्ल्यू- 34, एकेएडब्ल्यू- 4627
दोन पाणी उपलब्ध असतील तर पहिले पाणी पेरणीनंतर 20 ते 22 दिवसांनी आणि दुसरे पाणी 60 ते 65 दिवसांनी द्यावे आणि तीन पाणी उपलब्ध असतील, तर पहिले पाणी पेरणीनंतर 20 ते 22 दिवसांनी, दुसरे पाणी 42 ते 45 दिवसांनी आणि तिसरे पाणी 60 ते 65 दिवसांनी द्यावे. 
- 02550 - 241023 
कृषी संशोधन केंद्र, निफाड, जि. नाशिक

माहिती संदर्भ : अॅग्रोवन

2.88095238095
दीपक Memane Oct 02, 2017 09:00 AM

मी पुणे जिल्हा मध्ये पुरंदर मध्ये राहतो. मला गव्हाचे पीक घेण्याचा आहे. मला माहिती पाहिजे होती. कोणती बियाणे, खत, पाणी नियोजन. माझा नंबर ९१५८८९५१०६

Pathan Muktharkhan Apr 07, 2017 10:00 AM

मी गव्हाची पेरणी करू इच्छितो तयासाठी मला बियाणं कोणता घयावा

Pathan Muktharkhan Apr 07, 2017 10:00 AM

मी गव्हाची पेरणी करू इच्छितो तयासाठी मला बियाणं कोणता घयावा

Vishnu Thorat Kuran ta.ambad Dec 25, 2016 06:44 PM

गहु उशिरा पेरणीसाठी कोनते वान योग्य आहे

संगमनेरे जितू Dec 16, 2016 08:25 AM

गहू पिकाला कोणते खत घ्यावी

आपल्या सूचना पोस्ट करा

(वरील विषयासाठी जर तुमच्या काही प्रतिक्रिया किंवा सूचना असतील तर या ठिकाणी नोंदवा)

Enter the word
नेवीगेशन

T5 2019/10/18 13:53:29.274794 GMT+0530

T24 2019/10/18 13:53:29.280677 GMT+0530
Back to top

T12019/10/18 13:53:28.815280 GMT+0530

T612019/10/18 13:53:28.873522 GMT+0530

T622019/10/18 13:53:28.913156 GMT+0530

T632019/10/18 13:53:28.914093 GMT+0530