दुधी भोपळा आणि काकडी लागवड

काकडी लागवड

• काकडी लागवड जून-जुलै आणि जानेवारी- फेब्रुवारी महिन्यांत करावी.
• जमिनीची योग्य मशागत करून शेणखत मिसळून द्यावे.
• लागवडीपूर्वी माती परीक्षणानुसार 50 किलो नत्र, 50 किलो स्फुरद आणि 50 किलो पालाश द्यावे, अर्धे नत्र (50 किलो) लागवडीनंतर दोन समान हप्त्यांमध्ये विभागून द्यावे.
• लागवडीसाठी हिमांगी, फुले शुभांगी या जातींची निवड करावी.
• एक हेक्‍टर लागवडीसाठी दीड किलो बियाणे लागते.
• लागवडीपूर्वी शिफारशीत बुरशीनाशकाची लागवड 1 मीटर x 0.5 मीटर अंतराने करावी.
• या पिकावर रस शोषणारी कीड, फळमाशी या किडींचा प्रादुर्भाव होतो. तसेच केवडा व भुरी रोगांचा प्रादुर्भाव होतो. हे लक्षात घेऊन एकात्मिक पद्धतीने कीड, रोगनियंत्रण करावे.

दुधी भोपळा लागवड

• दुधी भोपळ्याच्या लागवडीसाठी मध्यम काळी, पाण्याचा चांगला निचरा होणारी जमीन निवडावी.
• जमिनीची योग्य मशागत करून शेणखत मिसळून द्यावे. लागवड जून-जुलै आणि जानेवारी- फेब्रुवारी महिन्यांत करावी.
• मंडप पद्धतीने 3 मीटर x 1 मीटर अंतराने लागवड करावी.
• पारंपरिक पद्धतीने लागवड करायची झाल्यास 5 मीटर x 1 मीटर अंतराने लागवड करावी. लागवडीपूर्वी माती परीक्षणानुसार 50 किलो नत्र, 50 किलो स्फुरद आणि 50 किलो पालाश द्यावे.
• लागवडीनंतर एक महिन्याने 50 किलो नत्र द्यावे.
• प्रति हेक्‍टरी 2.5 किलो बियाणे लागते. लागवडीसाठी सम्राट ही जात निवडावी.
• या पिकावर केवडा, काळा करपा, पानावरील ठिपके हे रोग दिसून येतात.
• तसेच नागअळी, फळमाशीचा प्रादुर्भाव दिसून येतो.
• हे लक्षात घेऊन एकात्मिक पद्धतीने कीड, रोगनियंत्रण करावे.

संपर्क - 02426-243242 
भाजीपाला सुधार योजना, महात्मा फुले कृषी विद्यापीठ, राहुरी

स्त्रोत: अग्रोवन