झुक झुक झुक झुक अगीनगाडी
धुरांच्या रेघा हवेत काढी
पळती झाडे पाहूया
मामाच्या गावाला जाऊया
मामाचा गाव मोठा
सोन्याचांदीच्या पेठा
शोभा पाहुन घेऊया
मामाची बायको गोरटी
म्हणेल कुठली पोरटी
भाच्यांची नावे सांगूया
मामाची बायको सुगरण
रोज रोज पोळी शिकरण
गुलाबजामुन खाऊया
मामा मोठा तालेवार
रेशीम घेईल हजार वार
कोट विजारी लेऊया
कवी : ग. दि. माडगूळकर
अंतिम सुधारित : 5/19/2020
असावा सुंदर चॉकलेटचा बंगला, चंदेरी सोनेरी चमचमता च...
ए आई मला पावसात जाउ दे, एकदाच ग भिजुनी मला चिंब चि...
संगणकाच्या क्रांतीमधुनी साकारु या स्वप्न नवे चला ...
एक होता काऊ, तो चिमणीला म्हणाला, "मला घाल न्हाऊ, घ...