कसीली
(करंडी; लॅ. अॅब्युटिलॉन म्युटिकम; कुल-माल्व्हेसी). कापूस, जास्वंद, व भेंडी यांच्या कुलातील या लहान केसाळ झुडपाचे ⇨मुद्रा व ⇨चिनी ताग ह्यांच्याशी बरेच साम्य असून ते पाकिस्तानात आणि भारतात सामान्यपणे सर्वत्र आढळते; तथापि कोकणात व दक्षिण पठारावर कोठेही रस्त्याच्या कडेने किंवा कचऱ्याच्या ढिगावरही आढळते.
पाने साधी (७.५-१० सेंमी. व्यासाची) लांब देठाची, गोलसर, हृदयाकृती, दातेरी व सोपपर्ण (उपपर्णासह); फुले लालसरपिवळी, मुद्रेच्या फुलांपेक्षा मोठी, पानांच्या बगलेत एकेकटी, जानेवारी-जूनमध्ये येतात.
किंजदले सु.पंचवीस [→ फूल]; फळ (बोंड) साधारण गोलसर, टोकास खोलगट, फारच केसाळ; प्रत्येक किंजदलात तीन लवदार बिया. खोड व फांद्यांपासून उपयुक्त धागे काढून त्यांपासून साध्या दोऱ्या व तत्सम वस्तू बनवितात. बिया पौष्टिक असल्याने दुष्काळात त्यांची पूड ज्वारीच्या पिठात मिसळून भाकरी करतात किंवा बियांची कांजी करून पितात.
लेखक: शं. आ. परांडेकर
स्त्रोत: मराठी विश्वकोश
अंतिम सुधारित : 8/5/2020
बागायत कापूस आणि जिरायत कापसाची लागवड मोठ्या क्षेत...
कपाशीवर तुडतुडे, फुलकिडे, पांढरी माशी, मावा तसेच प...
कापूस लागवड मध्यम ते भारी ज मिनीतच करावी. हलक्या ...
परतुर (जि. जालना) तालुक्यातील खांडवीवाडी येथील प्र...