(लॅ. फा. मायसोरेन्सिस). हा मोठा वृक्ष बसरीच्या वंशातील असून त्याचा शाखाविस्तार छत्रासारखा असतो. व तो उत्तम छाया देतो. कॉफीच्या मळ्यात हा याचकरिता लावतात. हा भारतात सर्वत्र आढळतो; शिवाय ब्रह्मदेश, श्रीलंका येथेही सापडतो. फळांच्या जोड्या (औदुंबरिक) कक्षस्थ, नीरिंगी लाल (२.५ सेंमी. व्यासाच्या) असतात. पाने मोठी व पारंब्या थोड्या असतात. शोभा व सावली यांकरिता हा बागांत लावतात.
लेखक: वि. रा. ज्ञानसागर
स्त्रोत: मराठी विश्वकोश
अंतिम सुधारित : 2/4/2020