অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

हवामान अंदाज पीक व्यवस्थापन

हवामान अंदाज पीक व्यवस्थापन

हवामान अंदाजानुसार पीक व्यवस्थापन

हवामान अंदाजाच्या माध्यमातून शेतकऱ्यांना पीक व्यवस्थापन पद्धतीचा अवलंब करता यावा याकरिता डॉ. पंजाबराव देशमुख कृषी विद्यापीठात एकात्मिक कृषी हवामान सल्ला सेवा केंद्र हा प्रकल्प आहे.

त्यामाध्यमातून शेतकऱ्यांना येत्या आठवड्यातील हवामानाचा अंदाज आणि त्या परिस्थितीनुसार उपाय योजनांची माहिती दिली जाते. त्याकरिता "ऍग्रो ऍडव्हायझरी बुलेटिन' कृषी विद्या विभागामार्फत प्रसारित केले जाते. शेतकऱ्यांना त्याआधारे परिस्थितीनुरूप पिकाचे व्यवस्थापन करणे शक्‍य होते. पेरणी, खत व्यवस्थापन, पीक संरक्षण, सिंचन आदी बाबींसाठी हा सल्ला शेतकऱ्यांना फायदेशीर ठरतो. या प्रकल्पाअंतर्गत cropweatheroutlook.in या संकेतस्थळावर इंग्रजीमधूनही माहिती प्रसारित केली जाते.

त्याचा लाभ अभ्यासक, कृषी विषयाचे विद्यार्थी, संशोधक घेऊ शकतात. अलीकडच्या काळात अपवादात्मक स्थितीत खरीप हंगामात पिकासाठी पुरेसा ओलावा उपलब्ध असलेले दिवस कमी होऊ लागले आहेत, त्यामुळे पिकाद्वारे नैसर्गिक घटकांचा वापर कमी होऊन पिकाचा कालावधी व उत्पादन कमी होत असल्याचे निदर्शनास आले आहे. रब्बी हंगामात उशिरा पेरणीत पीक दाणे भरण्याच्या कालावधीत अधिक तापमानाला बळी पडते, त्याचाही परिणाम उत्पादकतेवर होतो. भविष्यात हवामानातील बदलांचा अभ्यास करून शेतकऱ्यांना शेती करावी लागेल. त्या पार्श्‍वभूमीवर योग्य वाणांची निवड, पीक पेरणीतील वेळेत बदल, पीक व्यवस्थापन, पीक पद्धती, जमिनीतील सेंद्रिय घटकांचे प्रमाण वाढविणे, जल व मृद संधारणाच्या विविध उपचारांतून जमिनीतील ओलावा टिकवून ठेवणे यासारखे उपाय फायदेशीर ठरतात.

स्त्रोत: अग्रोवन

अंतिम सुधारित : 10/7/2020



© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate