या अवजाराने आपण खुरपणी, विरळणी ही कामे करू शकतो. एका मजुराच्या साह्याने हे अवजार चालविता येते. याचे वजन 15 किलो आहे.
या अवजारामुळे कोळपणी व खत पेरणी एकाच वेळी एका मजुराच्या साह्याने करता येते. कोळप्यासोबत 6, 9, 12 इंचांची पास दिली असून, पास बदलता येते. खत दोन ओळींच्या बाजूस पडत असल्याने खताची मात्रा वाया जात नाही. एका मजुराची बचत होते.
या अवजाराचा वापर दुय्यम व आंतरमशागतीसाठी करता येतो. या मोगड्यावर पेरणीच्या संरचना बसवून दोन फणी व तीन फणी पेरणी यंत्रही तयार करता येते. हा मोगडा लाकूड किंवा लोखंडापासून तयार करता येतो. एका दिवसात साधारण एक हेक्टर क्षेत्राची पेरणी, तसेच आंतरमशागत करता येऊ शकते.
हा मोगडा आंतरमशागतीसाठी कोळप्यासारखा वापरता येतो. पुढे दोन व त्याच्या मधोमध मागे एक, असे तीन फणांचे हे कोळपे असते. फणाचे फाळ त्रिकोणी पात्यांचे असतात, त्यामुळे पिकाच्या दोन रांगांमधील जमीन उकरली जाते. या अवजाराने तण निघतात, लहान सरी- वरंबे तयार होतात; तसेच पिकाच्या बुंध्याजवळ मातीची भर पडते. एका दिवसात साधारण एक हेक्टर क्षेत्राची आंतरमशागत होऊ शकते.
या अवजाराच्या साह्याने पिकांच्या ओळींतील अंतरानुसार पासेची लांबी 22.5 सें. मी.पासून 45 सें. मी. अंतरापर्यंत ठेवता येते. ओळींतील अंतर 45 सें. मी.पेक्षा कमी असलेल्या कोणत्याही पिकात हे कोळपे वापरता येते. या कोळप्याच्या साह्याने आपण एका दिवसात 2.5 ते तीन एकर क्षेत्रावरील कोळपणी करू शकतो.
संपर्क : 02452- 223230
कृषी अभियांत्रिकी व तंत्रज्ञान महाविद्यालय, परभणी
अंतिम सुधारित : 6/26/2020
कडबाकुट्टी मशिन वापरण्यास सुरू करण्याअगोदर त्याचे ...
ऊस आंतरमशागतीसाठी कोणती अवजारे वापरावीत याबाबतची म...
ऊस शेतीसाठी अनेक औजारे आणि यंत्रे उपयोगी आहेत. त्य...
सुधारित खत पेरणी अवजाराच्या साह्याने ऊस लागणीपूर्व...