सांगली जिल्ह्यातील राडेवाडी (ता. पलूस) येथील तरुण शेतकरी प्रशांत भानुदास पाटील यांनी सोयाबीन शेतीत व त्यातही बीजोत्पादनात आपला हातखंडा तयार केला आहे. चांगल्या उत्पादनात सातत्य ठेवताना यंदाच्या वर्षी 30 गुंठ्यांत त्यांनी केळीतील सोयाबीनच्या आंतरपिकातून 21 क्विंटल बीजोत्पादन घेतले आहे.
शेतीत पूर्णवेळ झोकून देऊन काम करताना प्रशांत यांनी उत्पादनात सातत्य ठेवण्याचा प्रयत्न केला. जे काही करायचे ते मनापासून, असे ठरवल्यानंतर त्यात कोणतीही उणीव राखली नाही.
सन 2004-05 - सोयाबीन पीक स्पर्धा - तालुक्यात दुसरा क्रमांक
सन 2005-06 - गहू व 08-09 - हरभरा - तालुक्यात प्रथम क्रमांक
सन 2007-08 - गहू - राज्य पीक स्पर्धेत सहभाग
महात्मा फुले कृषी विद्यापीठाच्या कसबे डिग्रज संशोधन केंद्राचे प्रभारी अधिकारी डॉ. डी. के. कटमाळे व सोयाबीन पैदासकार डॉ. एम. बी. देशमुख यांचे मार्गदर्शन प्रशांत पाटील यांना लाभले आहे. डॉ. देशमुख म्हणाले, की प्रशांत हे अभ्यासू शेतकरी आहेत. "फ्रंटलाइन डेमॉन्स्ट्रेशन'अंतर्गत त्यांच्याकडे आम्ही सोयाबीनचा प्रात्यक्षिक प्रयोग केला आहे. लागवडीचे विस्तृत अंतर, ठिबक सिंचन, अन्नद्रव्ये, पीक संरक्षण आदी घटकांचा सक्षम वापर करीत पिकाची योग्य काळजी घेतली आहे. त्यामुळेच अधिक उत्पादनापर्यंत पोचणे त्यांना शक्य झाले आहे.
बीजोत्पादनातून नफा चांगला मिळतो; परंतु जोखीम महत्त्वाची असते. सुरवातीपासून काळजीपूर्वक कामे करावी लागतात.
बीजप्रक्रिया महत्त्वाची. पीएसबी व रायझोबियम जिवाणुसंवर्धकांचा वापर महत्त्वाचा.
जमिनीची उत्तम मशागत हवी.
पाण्याचे उत्तम नियोजन हवे. सरी भिजवून ओलावा ठेवूनच टोकण.
कीड नियंत्रण काळजीपूर्वक हवे.
विद्राव्य खतांचा वापर केला.
दाणेदार गंधकाचा वापर गरजेचा.
बेसल डोस - एकरी चार पोती एसएसपी, पाच किलो दाणेदार गंधक, एक पोते निंबोळी पेंड
शंका येतील तेथे तज्ज्ञांचे तत्काळ मार्गदर्शन घेणे
यंदाच्या प्रयोगात केळीला बसवलेले ड्रीप सोयाबीनसाठीही वापरले, त्याचा फायदा झाल्याचे प्रशांत म्हणाले.
किडी- रोगांपासून बियाणे वाचवायला लागते, वाळवून ते सुरक्षित ठिकाणी ठेवावे. विकण्याआधी उगवण क्षमता तपासावी.
दर तीन वर्षांनी माती परीक्षण केले जाते.
संपूर्ण क्षेत्राला ठिबक सिंचन.
गांडूळ खताची तीन युनिट.
पाच ते सहा घरची जनावरे, त्यामुळे वर्षाला शेणखत उपलब्ध. त्यांचे मूत्र ठिबकद्वारे पिकांना दिले जाते.
शेतीतील उत्पन्नातून 70 गुंठे जमिनीची खरेदी. पाइपलाइन, गोठा बांधणी ही कामे पूर्ण.
माहिती संदर्भ : अॅग्रोवन
अंतिम सुधारित : 10/7/2020
सोयाबीनच्या ताण सहनशीलतेसाठी कारणीभूत दोन विकरांची...
ऊस पिकामध्ये शेतकरी अधिक उत्पादन मिळवण्यासाठी नत्र...
सुधारित वाणांचा वापर तसेच एकात्मिक पीक व्यवस्थापना...
खाद्य तेल पिके-भुईमूग, तीळ, कारळा, मोहरी, जंबो, कर...