कोकणासारख्या काही भागात पावसाळ्यामध्ये खूप जोरदार पाऊस पडत असतो. अशा ठिकाणी पालेभाज्यांची लागवड करणे अवघड होते. अशा वेळी पॉलिटनेल तंत्रज्ञान उपयुक्त ठरू शकते. कोसबाड येथील कृषी विज्ञान केंद्राने परसबागेतील पालेभाज्या लागवडीसाठी पॉलिटनेल तंत्रज्ञानाचा वापर करण्याची शिफारस केली आहे. या पद्धतीने कमी क्षेत्रात मेथी, कोथिंबीर, पालक व इतर पालेभाज्यांची लागवड करता येते. घरच्या घरी बनविता येणारे अतिशय कमी खर्चाचे असे हे पॉलिटनेल आहे.
दोन मीटर लांब बांबूच्या दोन जाड पट्ट्या घ्याव्यात. त्याला एक मीटर लांब आडव्या दोन पट्ट्या तारेने बांधून आयताकृती साचा तयार करावा. यानंतर ८ फूट लांबीच्या ९ बांबूंच्या पट्ट्या अर्धवर्तुळाकार वाकवून कमान तयार करून घ्यावी. आता १० फूट लांबीच्या सात बांबूच्या पट्ट्या घेऊन त्या कमानीला काटकोनात एकमेकांना समांतर बांधाव्यात. त्यामुळे दोन पट्ट्यांमध्ये एक फुटाचा चौरस तयार होईल. यानंतर तयार झालेल्या कमानीवर २०० मायकॉन जाडीचा प्लॅस्टिक पेपर टाकून झाकून घ्यावे.
संपर्क - रूपाली देशमुख, ८६९८७०११७७.
(लेखिका कृषी विज्ञान केंद्र, कोसबाड हिल. ता. डहाणू, जि. ठाणे. येथे कार्यरत आहेत.)
स्त्रोत: अग्रोवन
अंतिम सुधारित : 10/7/2020
अळूच्या लागवडीसाठी भरपूर सेंद्रिय पदार्थ असणारी, म...
पुणे येथील राजलक्ष्मी भोसले यांनी आपल्या 35 गुंठे ...
कमी धारणक्षेत्रामध्ये किफायतशीर शेती होऊ शकत नाही,...
उगम ग्रामीण विकास संस्थेमार्फत हिंगोली शहरात जिल्ह...