অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

राजीव गांधी शैक्षणिक कर्ज

राजीव गांधी शैक्षणिक कर्ज

मौलाना आजाद अल्‍पसंख्‍याक आर्थिक विकास महामंडळ व नवी दिल्लीच्‍या राष्‍ट्रीय अल्‍पसंख्‍याक विकास आणि आर्थिक महामंडळ यांच्‍या संयुक्‍त विद्यमाने राज्‍यातील अल्‍पसंख्‍याक समाजातील आर्थिकदृष्‍ट्या कमकुवत असलेल्‍या वर्गातील होतकरु व बुध्‍दिमान विद्यार्थ्‍यांना व्‍यवसायाभिमुख, तांत्रिक व रोजगारभिमुख शिक्षणाद्वारे त्‍यांचे सामाजिक व आर्थिकस्‍तर उंचावण्‍याच्‍या दृष्‍टिकोनातून राजीव गांधी शैक्षणिक कर्ज योजना राबविण्‍यांत येत आहे. या योजनेंतर्गत व्‍यवसायिक व तांत्रिक अभ्‍यासक्रम (जास्‍तीत जास्‍त 5 वर्ष कालावधी) करिता जास्‍तीत जास्‍त एकूण 5 लाखापर्यंत द.सा.द.शे. 3 टक्‍के व्‍याज दराने देण्‍यात येते.( राष्‍ट्रीय अल्‍पसंख्‍याक विकास आणि आथ्रिक महामंडळ, नवी दिल्‍ली यांच्या मार्फत प्रतिवर्ष रु. 50,000/- या प्रमाणे 5 वर्ष कालावधीकरिता एकूण अडीच लाख व मौलाना आजाद अल्‍पसंख्‍यांक आर्थिक विकास महामंडळ, मुंबई यांच्‍यामार्फत 5 वर्षाकरिता 50,000/- प्रतिवर्ष याप्रमाणे एकूण 2,50,000/- चे कर्ज उपलब्‍ध करण्‍यात येते.) कर्ज मंजूरीचे आदेश प्राप्‍त झाल्‍यानंतर महामंडळाने विहित केलेले वैधानिक दस्‍तावेज व त्रुटींची पूर्तता केल्‍यानंतरच कर्ज मंजूरीचे खातेदेय असलेले धनादेश वितरीत करण्‍यांत येतील. शैक्षणिक कर्जाची परतफेड कालावधी शैक्षणिक अभ्‍यासक्रम पूर्ण झाल्‍याच्‍या 6 महिन्‍यापासून पुढील जास्‍तीत जास्‍त 5 वर्षाचा राहील व मंजूर कर्जाची वसुली 20 त्रैमासिक हप्‍त्‍यात करण्‍यांत येईल .
1) कर्ज मर्यादा –5 लाखापर्यत, 2) व्‍याजदर – फक्‍त 3 टक्‍के, 3) 100 टक्‍के कर्ज, 4) परतफेड- शिक्षण पूर्ण झाल्‍यानंतर सहा महिन्‍यापासून पुढील 5 वर्षे. 20 त्रैमासिक हप्‍त्‍यात.

पात्रता

अर्जदाराची वयोमर्यादा किमान 16 ते 32 वर्षा दरम्‍यान असावी. 2) अर्जदार हा अल्‍पसंख्‍याक समुदयातील ( मुस्‍लिम/ख्रिश्‍चन/शीख/बौध्‍द/पारशी/जैन) असावा. 3) अर्जदाराचे वार्षिक कौटुंबिक उत्‍पन्‍न शहरी भागाकरिता रु. 54,500/- च्‍या ग्रामीण भागाकरिता रु. 39,500/- आत असावे. 4) प्रवेश घेतलेला अभ्‍यासक्रम व शैक्षणिक संस्‍थेस केंद्र/राज्‍य शासनाची अथवा शासकीय प्राधिकरणाची मान्‍यता असणे आवश्‍यक आहे. 5) शैक्षणिक अभ्‍यासक्रम सद्य:स्‍थितीत स्‍वयंरोजगार व तांत्रिक मनुष्‍यबळ निर्माण करणारा असावा. तसेच अभ्‍यासक्रमास विविध क्षेत्रात मागणी असावी.
राजेंद्र सरग
जिल्‍हा माहिती अधिकारी,
परभणी

 

अंतिम सुधारित : 7/23/2020



© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate