पॅनिक अॅटॅक्स

काय आहे पॅनिक अॅटॅक

अनेकदा छातीत धडधडतं, घाम येतो, पोटात ढवळून येतं. या सगळ्या प्रकारांकडे छातीतली दुखणी म्हणून दुर्लक्ष केलं जातं. खरं तर हा प्रकार असतो पॅनिक अॅटक्सचा. हा मनोविकार आहे हे मुळीच लक्षात घेतलं जात नाही. त्यामुळे मुळात उपचारच चुकीच्या पद्धतीने दिले जातात. वेळीच योग्य उपचार मिळाले तर पॅनिक अॅटॅक्स टाळता येतात.

छातीत धडधड झाली, छातीत दुखू लागलं, पोटात ढवळू लागलं की ही हमखास हृदयरोगाशी संबधित अडचण आहे, असं मानून हृदयरोगतज्ज्ञाकडे धाव घेतली जाते. त्यादृष्टीने उपचार सुरू केले जातात. मात्र पुन्हापुन्हा अशी लक्षणं दिसू लागली की हृदयरोगतज्ज्ञही हा मानसिक आजार आहे हे लक्षात घेऊन मनोविकारतज्ज्ञांचा सल्ला घ्या ,असं सागतात. या प्रकारांस 'पॅनिक अॅटक' म्हणतात. पॅनिक अॅटॅक्सचा कालावधी पाच मिनिटांपासून अर्धा तासांपर्यत कितीही वेळाचा असू शकतो. या अॅटॅक्स येण्याच्या वेळा या अनेकदा रात्रीच्या असतात. सुरवातीला हे अॅटक एका विशिष्ट टोकाच्या काळजीच्या कारणामुळे येतात. त्यानंतर विनाकारण काही विशिष्ट कालावधीनंतर अॅटॅक्स येण्याचे प्रमाण वाढत जाते.

लक्षणं

• छातीत धडधड होणं
• श्वास घ्यायला त्रास
• पोटात ढवळणे
• अॅसिडीटीचा वारंवार त्रास
• सतत भीती वाटणे
• स्वच्छतेचा अतिरेक
• कमालीची अस्वस्थता
• चिंता शरीराला जाळत जाते
• झोपेत दचकून जाग येणे
• झोप खंडित होऊन पुन्हा तासाभराने झोप लागणे

कारणे

• व्यक्तिमत्त्व दोष
• चिंतातूर स्वभाव
• अतिकाळजी वा
• अतिनिराशेचा उद्रेक
• टोकाची शिस्त, वा शिस्तीचा अतिरेक
• अनुवांशिकता
• अतिप्रिय व्यक्तीचा मृत्यू
• आर्थिक नुकसानामुळे आलेले नैराश्य

उपचारपद्धती

• मेडिटेशन
• एसएसआरआय उपचार पद्धती
• रिलॅक्सेशन टेक्निक्स
• मन शांत करणाऱ्या औषधांचा उपचारपद्धतीत वापर

डॉ. प्राजक्ता गुप्ते, एमडी, मनोविकारतज्ज्ञ
स्त्रोत : महाराष्ट्र टाइम्स