অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

घराची स्वच्छता व पाळीव प्राण्यांची देखभाल

घराची स्वच्छता व पाळीव प्राण्यांची देखभाल

घराची स्वच्छता

घरात अंधार आणि कोंदटपणा असला, घरामध्ये सूर्यप्रकाश भरपूर प्रमाणात येत नसेल, घराला ओल येत असेल तर अशा अस्वच्छ वातावरणात उंदीर, माशा, झुरळ, ढेकूण यासारखे रोग पसरवणारे कीटक वाढतात. म्हणून घरामध्ये स्वच्छता राखणे गरजेचे असून त्यासाठी ठळक खालील उपाय करता येतात.

  • सूर्यप्रकाश व हवा खेळती राहण्यासाठी घराला पुरेशा खिडक्या असाव्यात.
  • घरातील जमीन रोजच्या रोज किमान दोन वेळा तरी झाडावी.
  • घरामध्ये निर्धुरचुलीचा वापर करावा. त्यामुळे घरात धूर होणार नाही व डोळ्यांचे व श्वसनाचे आजार होणार नाहीत. सूर्यचूल, भुशीची शेगडी वापरावी.
  • अन्नपदार्थ व पिण्याचे पाणी झाकून ठेवावे.
  • कीटकांपासून अन्नपदार्थांचे रक्षण करावे.
  • घराभोवतालचे आवार स्वच्छ ठेवण्यासाठी, आंघोळीसाठी एक अगदी साधे न्हाणीघर बांधावे, तसेच त्या सांडपाण्याचा निचरा होण्यासाठी परसबाग लावावी.

पाळीव प्राण्यांची देखभाल

आपल्याकडे शेतकरी कुटुंब असल्यामुळे आपण कोंबड्या, जनावरे, पोपट, मांजर पाळतोच. त्यांची देखभाल करण्यासाठी त्यांना स्वतंत्र जागा असल्यास जास्त चांगले असते. ती राहत्या घरापासून थोडी दूर असावीत. प्राण्यांना घरात येण्याची सवय लावू नये. ती घरात येऊन घाण करणार नाहीत असे बघावे कारण ती बाहेर घाणीत हिंडतात व त्यांच्या पायांना व शरीराला घाण लागून रोगजंतू घरात येतात. त्यामुळे सुद्धा रोगजंतूंचा प्रादुर्भाव होतो.

 

स्त्रोत : परिसर स्वच्छता व डासांमुळे होणारे आजार, माहिती व शिक्षण मार्गदर्शक पुस्तिका, वॉटरशेड ऑगनायझेशन ट्रस्ट

अंतिम सुधारित : 4/26/2020



© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate