<div id="MiddleColumn_internal"> <div class="NewsHeading" style="text-align: justify; "></div> <div class="NewsDetails" id="div_NewsText" style="text-align: justify; ">पावसाचे पाणी कूपनलिकेत सोडणे म्हणजेच कूपनलिका पुनर्भरण होय. कूपनलिकेजवळ नाला अथवा ओढ्याचे पाणी वळवावे.कूपनलिकेच्या सभोवताली दोन मीटर लांब, दोन मीटर रुंद व दोन मीटर खोल आकाराचा खड्डा खोदावा. <div><br />खड्ड्यातील उंची एवढ्या केसिंग पाइपच्या भागात एक-दोन सें.मी. अंतरावर सर्व बाजूने चार-पाच मि.लि. व्यासाची छिद्रे पाडावीत. <br />या छिद्रांवर नारळदोरी (काथ्या) घट्ट गुंडाळावी.</div> <div><br />खड्ड्याचे चार भागांत विभाजन करून सर्वांत खालच्या भागात दगडगोटे, त्यावरच्या भागात खडी नंतरच्या भागात वाळूची चाळ व सर्वांत वरच्या भागात धुतलेली वाळू भरावी.</div> <div><br />अशाप्रकारे ओढ्याचे अथवा नाल्याचे गढूळ पाणी गाळणीतून स्वच्छ होऊन कूपनलिकेत जाईल आणि कूपनलिकेचे पुनर्भरण होईल. <br />कूपनलिका पुनर्भरण करण्यासाठी साधारणतः 5,000 रुपये एवढा खर्च येतो. <br /><br /> <h3>विहीर व कूपनलिका पुनर्भरणाच्या वेळी घ्यावयाची काळजी</h3> <br />ओढ्याला येणारे पाणी हे क्षार व रसायनविरहित असावे. <br />विहिरी पाणी तळापर्यंत पाइपद्वारे पोचवावे. <br />पुनर्भरणापूर्वी दोन गाळणी खड्डे असावेत. <br />पुनर्भरणापूर्वी विहिरीतील गाळ काढून टाकावा. <br />पुनर्भरण हे गाळलेल्या व स्वच्छ पाण्यानेच करावे. <br />ज्या क्षेत्रावर मीठ फुटले असेल म्हणजेच क्षार जमा झाले असतील, त्या क्षेत्रावरील पाणी विहीर पुनर्भरणास वापरू नये. <br />औद्योगिक क्षेत्रातील पावसाचे पाणी पुनर्भरणास वापरू नये. <br />साखर कारखाना परिसरात जेथे मळी जमिनीवर पसरली जाते, त्या भागातील पाणी वापरू नये. <br />सूक्ष्म जिवाणूजन्य तथा रोगराईस्थित क्षेत्रातील पाणी वापरू नये. <br />वाळू, गोटे यांचा वापर करून तयार केलेली गाळणी पावसाळ्यापूर्वी एकदा स्वच्छ करावी. <br /><br /> <h3>कूपनलिका पुनर्भरणासाठी लागणारे साहित्य</h3> <br />लोखंडी ड्रील (चार-पाच मि.मी.) काथ्या, गाळणी, धुतलेली वाळू, वाळूची चाळ, खडी आणि दगडगोटे. <br /><br />: 02426 - 243268/ 243326 <br />भूजल संशोधन प्रकल्प, <br />जलसिंचन व निचरा अभियांत्रिकी विभाग, <br />महात्मा फुले कृषी विद्यापीठ, राहुरी</div> </div> <p style="text-align: justify; "> </p> <p style="text-align: justify; ">माहिती संदर्भ : अॅग्रोवन</p> <p style="text-align: justify; "><img src="https://static.vikaspedia.in/media/images_mr/agriculture/agri_invest/fertiliser_Pestisides/SakalAgrowonLogo.jpg" class="image-inline" title="" alt="" /></p> <p style="text-align: justify; "> </p> </div>