<div id="MiddleColumn_internal"> <p style="text-align: justify; ">कुक्कुट मांस उत्पादनांमध्ये ब्रॉयलरला सर्वाधिक पसंती मिळते. ब्रॉयलर उत्पादनासाठी अनेक खाजगी कंपन्यांनी शेतक-यांबरोबर करार केले आहेत. त्यामुळे विपणनाचा-मार्केटिंगचा फारसा प्रश्न नाही. सुमारे आठ आठवड्यांपेक्षा लहान, 1.5 ते 2 किलो वजनाचे आणि मऊ लुसलुशीत मांसाचे कोंबडीचे पिलू म्हणजे ब्रॉयलर.</p> <h3 style="text-align: justify; ">उत्कृष्ट व्यवस्थापन पर्याय<strong> </strong></h3> <ul style="text-align: justify; "> <li>कुक्कुट पालन केंद्राचे तापमानः पहिल्या आठवड्यामध्ये 950 फॅरनहाईट इतके तापमान आरामदायी (सहज चालण्याजोगे) असते आणि पुढील प्रत्येक आठवड्याला 50 फॅरनहाईटने कमी करत सहाव्या आठवड्यामध्ये ते 700 फॅरनहाईटपर्यंत कमी करावे.</li> <li>वातायनः हवा चांगली खेळती ठेवावी, पक्ष्यांना गुदमरल्यासारखे होऊ नये यासाठी अमोनिया - पक्ष्यांची विष्ठा नियमितपणे साफ करावी.</li> <li>प्रकाशः 200 चौरस फूट चटई क्षेत्रासाठी 60 वॅटचा एक बल्ब</li> <li>चोच साफ करणेः 1 दिवसाचे असताना चोच साफ करावी.</li> </ul> <h3 style="text-align: justify; ">ब्रॉयलरची आरोग्य व्यवस्था</h3> <ul style="text-align: justify; "> <li>निरोगी पिलांपासून सुरुवात करा</li> <li>अंडी ऊबवणूक केंद्रांमध्ये मरेक रोगप्रतिबंधक लस द्या</li> <li>4-5 दिवसांचे असताना आरडीव्हीएफ-1 द्या</li> <li>कॉक्सिडियोसिस रोखण्यासाठी खाद्यातून औषधे द्या</li> <li>खाद्य अफ्लोटॉक्सिनमुक्त ठेवा</li> <li>प्रत्येक चक्रानंतर जमिनीवर किमान तीन इंच जाडीपर्यंत स्वच्छ गवत पसरून ठेवा</li> </ul> <h3 style="text-align: justify; ">विपणन</h3> <ul style="text-align: justify; "> <li>सहा-आठ आठवड्याचे झाल्यावर विपणन करा</li> <li>पक्षी पकडताना त्यांना जखमा होऊ नयेत यासाठी खाद्य आणि पाणी देण्यासाठीचे चर बाजूला करा</li> <li>हवामानातील अतिरेकापासून वहनातील पक्ष्यांचे संरक्षण करा</li> </ul> <p style="text-align: justify; ">सुगुणा, कोईम्बतूर, व्हीएचएल, पुणे, पयोनियर, ब्रोमार्क, आदी काही खाजगी कंपन्या कंत्राटी ब्रॉयलर उत्पादनामध्ये सहभागी आहेत.</p> <h3 style="text-align: justify; ">खालील बाबींविषयी अधिक माहितीसाठी</h3> <ul style="text-align: justify; "> <li>चांगल्या जातींच्या उपलब्धतेविषयी</li> <li>कुक्कुटपालन केंद्रासाठीच्या गरजा आणि उभारणीविषयी</li> <li>कुक्कुटपालनासाठीचे खाद्य</li> <li>सशक्त पक्ष्यांच्या उत्पादनासाठी</li> </ul> <p style="text-align: justify; ">कृपया जवळच्या पशुवैद्यकीय केंद्राशी किंवा कृषी वा पशुवैद्यकविज्ञान विभागाशी संपर्क साधा.</p> <p style="text-align: justify; "> </p> <p style="text-align: justify; "><strong>स्त्रोत : पोर्टल कन्टेट टिम</strong></p> </div>