<div id="MiddleColumn_internal"> <ul> <li>सुपारी लागवडीसाठी श्रीवर्धनी ही जात निवडावी. </li> <br /> <li>या जातीची सुपारी मोठी असून, तिच्यामध्ये पांढऱ्या गराचे प्रमाण जास्त असून, ही सुपारी मऊ आहे. या सुपारीचा आकार आकर्षक असल्याने दरही चांगला मिळतो. </li> <br /> <li>योग्य वाढ झालेल्या झाडापासून सोललेल्या सुपारीचे दोन कि.ग्रॅ. उत्पादन मिळते. लागवड करताना जमिनीवरील झुडपे तोडून जमीन सपाट करावी. वाऱ्यापासून झाडांचे संरक्षण करण्यासाठी सुरूची रोपे बागेभोवती लावावीत. </li> <br /> <li>लागवड करण्यासाठी 2.7 x 2.7 मीटर अंतरावर 60 सें.मी. x 60 सें.मी. x 60 सें.मी. आकाराचे खड्डे खणावेत. </li> <br /> <li>त्यामध्ये पालापाचोळा, दोन पाटी चांगले कुजलेले शेणखत, 500 ग्रॅम सिंगल सुपर फॉस्फेट, चांगल्या मातीमध्ये मिसळून खड्डा भरून घ्यावा. </li> <br /> <li>लागवडीसाठी रोपांची निवड करताना जाड बुंध्याची, कमी उंचीची, जास्त पाने असलेली जोमदार, 12 ते 18 महिने वयाची रोपे निवडावीत. </li> <br /> <li>रोपांना कमीत कमी चार ते पाच पाने असावीत. </li> <br /> <li>उंच व लांब पानांची रोपे लागवडीसाठी निवडू नयेत. लागवड जून ते ऑगस्ट महिन्यापर्यंत पूर्ण करावी. </li> <br /> <li>रोपांची चांगली वाढ होईपर्यंत रोपांचे पावसापासून संरक्षण करावे.</li> </ul> <p style="text-align: justify; "> </p> <p style="text-align: justify; "><b>संपर्क :</b><span> 02147-223374 </span></p> <p style="text-align: justify; "><span>सुपारी संशोधन केंद्र, श्रीवर्धन, जि. रायगड</span></p> <p style="text-align: justify; "><span> </span></p> <p style="text-align: justify; ">माहिती संदर्भ : <a class="ext-link-icon external-link" href="http://www.agrowon.com/Agrowon/20131107/5668671187521096494.htm" target="_blank" title="नवीन विंडो मध्ये ओपन होणारी बाह्य साईट ">अॅग्रोवन</a></p> <p style="text-align: justify; "><img alt="" title="" class="image-inline" src="https://static.vikaspedia.in/media/images_mr/agriculture/agri_invest/fertiliser_Pestisides/SakalAgrowonLogo.jpg" /></p> </div>