<div id="MiddleColumn_internal"> <h3>जिल्हा रुग्णालये – विविध रुग्णालयांमध्ये पुरविल्या जाणाऱ्या तज्ञ सेवा</h3> <table class="fancy listing"> <tbody> <tr> <th>क्र .</th><th>तज्ञ</th><th>क्र</th><th>तज्ञ</th> </tr> <tr> <td align="center">१</td> <td>सामान्य शल्यक्रिया</td> <td align="center">८</td> <td>रोगनिदान शास्त्र</td> </tr> <tr> <td align="center">२</td> <td>सामान्य वैद्यक</td> <td align="center">९</td> <td>मानसोपचार</td> </tr> <tr> <td align="center">३</td> <td>प्रसूतिशास्त्र</td> <td align="center">१०</td> <td>त्वचा व गुप्त रोग</td> </tr> <tr> <td align="center">४</td> <td>बालरोग</td> <td align="center">११</td> <td>छातीचे रोग</td> </tr> <tr> <td align="center">५</td> <td>अस्थिरोग</td> <td align="center">१२</td> <td>नेत्ररोग</td> </tr> <tr> <td align="center">६</td> <td>भूलशास्त्र</td> <td align="center">१३</td> <td>नाक कान घसा</td> </tr> <tr> <td align="center">७</td> <td>किरणोपायोजन शास्त्र</td> <td align="center">१४</td> <td>दंत आरोग्य</td> </tr> </tbody> </table> <h3 style="text-align: start; ">सेवा आणि कार्य</h3> <p style="text-align: justify; "><b>१ अतिदक्षता विभाग : </b>शासनाने अतिदक्षता विभागासाठी जिल्हा / सामान्य रुग्णालयामध्ये अतिरिक्त कर्मचारी वर्गासह ६ खाटांचा अतिदक्षता विभाग मंजूर केला आहे. या अतिदक्षता विभागांसाठी आवश्यक त्या उपकरणांची व्यवस्था केली आहे.</p> <p style="text-align: justify; "><b>२ विशेष नवजात दक्षता विभाग :</b> जन्मतःच कमी वजनाच्या व योग्यवेळे पूर्वी जन्म झालेल्या बालकांची काळजी घेण्यासाठी प्रत्येक जिल्हा व महिला रुग्णालयात १० अतिरिक्त कर्मचारी व रेडियंट वॉर्मर्स आणि फोटोथेरपी युनिट इत्यादि आवश्यक उपकरणासह विशेष नवजात दक्षता विभाग स्थापन केला आहे.</p> <p style="text-align: justify; "><b>३ जळीत विभाग :</b> भाजून होणारे मृत्यू कमी करण्यासाठी वेगळा जळीत विभाग मंजूर आहे. या विभागासाठी ३ कर्मचारी ( २ वर्ग २च्या परिचारिका व एक चतुर्थ श्रेणी सफाई कर्मचारी ) मंजूर आहेत. पुरुष व महिलांसाठी प्रत्येकी ५ खाटा आहेत.</p> <p style="text-align: justify; "><b>४ सि.टी. स्कॅन :</b> विविध रोगांच्या निदानासाठी सि.टी. स्कॅन करणे आवश्यक असते. वाशीम व पुणे येथील जिल्हा रुग्णालय व मालेगाव सामान्य रुग्णालय सोडून सि.टी. स्कॅन सेवा सर्व जिल्हा रुग्णालयात उपलब्ध आहे.</p> <p style="text-align: justify; "><b>५. मानसोपचार सेवा :</b><span class="Apple-converted-space"> </span>१.३.२००६च्या शासकीय निर्णयानुसार २३ जिल्हा रुग्णालयामध्ये १० खाटांचा मानसोपचार विभाग मंजूर आहे. याअंतर्गत २० पदे मंजूर आहेत.</p> <p style="text-align: justify; "><b>६ सोनोग्राफी सेवा :</b> रोगांचे निदान योग्य रीतीने होण्यासाठी सर्व जिल्हा, महिला व सामान्य रुग्णालयामध्ये सोनोग्राफी सेवा उपलब्ध करून देण्यात आली आहे.</p> <p style="text-align: justify; "><b>७ सुरक्षा, रुग्णवाहिका, आहार व स्वच्छता सेवा</b> करार पद्धतीच्या स्वरुपात उपलब्ध करून देण्यात येत आहे.</p> <h3 style="text-align: start; ">उपजिल्हा रुग्णालये</h3> <p style="text-align: justify; ">राज्यात १०० खाटांची एकूण २८ उपजिल्हा रुग्णालये कार्यरत असून त्यापैकी २३ तीस खाटांची रुग्णालये १०० खाटांच्या उपजिल्हा रुग्णालयामध्ये श्रेणीवर्धित करण्यात आली असून भिवंडी येथे १०० खाटांचे १ नवीन उपजिल्हा रुग्णालय स्थापन करण्यात आले आहे. ५६ तीस खाटांची रुग्णालये ५० खाटांच्या उपजिल्हा रुग्णालयांमध्ये श्रेणीवर्धित करण्यात आली आहेत.</p> <table class="fancy listing"> <tbody> <tr> <th style="text-align: center; "> क्र. <br /></th><th style="text-align: center; ">१०० खाटांच्या उपजिल्हा रुग्णालयांमध्ये उपलब्ध असलेल्या तज्ञ सेवा</th><th style="text-align: center; "> क्र. <br /></th><th style="text-align: center; ">५० खाटांच्या उपजिल्हा रुग्णालयांमध्ये उपलब्ध असलेल्या तज्ञ सेवा</th> </tr> <tr> <td align="center">१</td> <td>सामान्य शल्यक्रिया</td> <td align="center">१</td> <td>रोगनिदान शास्त्र</td> </tr> <tr> <td align="center">२</td> <td>सामान्य वैद्यक</td> <td align="center">२</td> <td>मानसोपचार</td> </tr> <tr> <td align="center">३</td> <td>प्रसूतिशास्त्र</td> <td align="center">३</td> <td>त्वचा व गुप्त रोग</td> </tr> <tr> <td align="center">४</td> <td>बालरोग</td> <td align="center">४</td> <td>छातीचे रोग</td> </tr> <tr> <td align="center">५</td> <td>अस्थिरोग</td> <td align="center">५</td> <td>नेत्ररोग</td> </tr> <tr> <td align="center">६</td> <td>भूलशास्त्र</td> <td align="center">६</td> <td>नाक कान घसा</td> </tr> <tr> <td align="center">७</td> <td>किरणोपायोजन शास्त्र</td> <td align="center">७</td> <td>दंत आरोग्य</td> </tr> </tbody> </table> <h3 style="text-align: justify; ">ग्रामीण रुग्णालये</h3> <p style="text-align: justify; ">राज्यामध्ये ३० खाटांची ३८७ <span id="36_TRN_2">ग्रामीण</span> रुग्णालये मंजूर आहेत. त्यापैकी ३६० ग्रामीण रुग्णालये कार्यरत आहेत. प्रादेशिक असमतोल योजनेखाली १४३ ग्रामीण रुग्णालये मंजूर आहेत. ग्रामीण रुग्णालयांत एक वैद्यकीय अधीक्षक, स्त्रीरोगतज्ञ / शल्यचिकित्सक, बालरोगतज्ञ / वैद्यकीय चिकित्सक व भूलतज्ञ यांच्या सारखे तज्ञ असतात. प्राथमिक आरोग्य केंद्राकडून संदर्भित झालेल्या रुग्णांवर रुग्णालयात उपचार केले जातात. या रुग्णालयांमध्ये क्ष-किरण, प्रयोगशाळा,व रुग्णवाहिका सेवा उपलब्ध असतात. ग्रामीण रुग्णालयांत २५ कर्मचार्यांचा आकृतीबंध असून सुरक्षा, रुग्णवाहिका, आहार व स्वच्छता सेवा करार पद्धतीवर आहेत.</p> <h3 style="text-align: start; ">ट्रॉमा दक्षता विभाग</h3> <p style="text-align: justify; ">राष्ट्रीय महामार्गावर असणाऱ्या रुग्णालयातील ट्रॉमा दक्षता विभागासाठी शासनाने कर्मचारीवर्ग, उपकरणे व सुसज्ज रुग्णवाहिका पुरविण्याचा निर्णय घेतला आहे. आतापर्यंत ६८ रुग्णालयांमध्ये (२३ जिल्हा रुग्णालये व ४५ उपजिल्हा व संदर्भ सेवा रुग्णालये ) ट्रॉमा दक्षता विभाग मंजूर करण्यात आला आहे. या ट्रॉमा दक्षता विभागांसाठी १५ कर्मचारी मंजूर आहेत.</p> <p style="text-align: justify; "> </p> <p style="text-align: justify; ">स्त्रोत : <a class="ext-link-icon external-link" href="https://arogya.maharashtra.gov.in/1109/%E0%A4%86%E0%A4%B0%E0%A5%8B%E0%A4%97%E0%A5%8D%E0%A4%AF-%E0%A4%B8%E0%A5%87%E0%A4%B5%E0%A4%BE" target="_blank" title="नवीन विंडो मध्ये ओपन होणारी बाह्य साईट ">आरोग्य विभाग महाराष्ट्र शासन </a></p> <p style="text-align: justify; ">माहिती संकलन : छाया निक्रड</p> </div>