<div id="MiddleColumn_internal"> <h3>अपील कधी दाखल करावे</h3> <ul style="text-align: justify; "> <li>जर तुम्हाला प्रथम अपीलीय अधिकार्याचा निकाल समाधानकारक वाटत नसेल तर</li> <li>जर सरकारी अधिकार्याने दिलेली माहिती अपूर्ण, चुकीची किंवा दिशाभूल करणारी आहे असे वाटत असेल तर</li> <li>जर लोक माहिती अधिकारी किंवा/आणि प्रथम अपीलीय अधिकारी यांनी तुमचा माहिती मिळविण्यासाठीचा अर्ज नाकारला असेल तर</li> <li>जर अपीलीय अधिकार्याने दिलेल्या मुदतीमध्ये अर्जावर काही ही निर्णय दिलेला नसेल तर</li> <li>जर सहाय्यक लोकमाहिती अधिकार्याने राज्य/केंद्रीय लोकमाहिती अधिकार्याकडे किंवा राज्य/ केंद्रीय माहिती आयोगाकडे अर्ज पाठवण्यास किंवा स्वीकारण्यास नकार दिलेला असेल तर</li> <li>जर सरकारी अधिकार्याने माहितीचा अधिकार अधिनियम २००५ अंतर्गत माहिती देतांना घेतलेली फी अवाजवी आहे असे तुम्हांला वाटत असेल तर</li> </ul> <h3>अपील कोठे दाखल करावे</h3> <ul style="text-align: justify; "> <li>राज्य माहिती आयोगाकडे (जर प्रकरण राज्याच्या सरकारी अधिकार्यांशी संबंधित असेल तर)</li> <li>केंद्रीय माहिती आयोगाकडे (जर प्रकरण केंद्राच्या सरकारी अधिकार्यांशी संबंधित असेल तर)</li> </ul> <h3>अपीलासाठी मुदत</h3> <ul style="text-align: justify; "> <li>प्रथम अपीलीय अधिकार्याने केलेला शेवटचा पत्रव्यवहार (निकाल किंवा विनंती नाकारल्याचे पत्र) मिळाल्याच्या तारखेपासून किंवा ठरवून दिलेली तारीख उलटल्यावर ९० दिवसांच्या आत</li> <li>अपीलकर्त्याला माहिती न देण्याचे कारण राज्य/केंद्रीय माहिती आयोगास मान्य असल्यास ९० दिवसांनंतर ही अपील करता येते.</li> </ul> <h3>अपीलासाठी अर्ज लिहिणे</h3> <ul style="text-align: justify; "> <li>एका पांढर्या कागदावर तुमचा अर्ज लिहा किंवा इंडिया डेव्हलपमेंट गेटवे पोर्टलवरून अर्ज डाउनलोड करा.</li> <li>अर्ज हस्तलिखित किंवा टंकलिखित असू शकतो.</li> <li>अर्ज इंग्रजी किंवा हिंदीत (केंद्रीय माहिती आयोगाकडे पाठवायचा असेल तर) किंवा त्या विशिष्ट राज्याच्या (राज्य माहिती आयोगाकडे पाठवायचा असेल तर) अधिकृत भाषेत असावा.</li> </ul> <h3>अर्जाच्या फॉर्मची तयारी करणे</h3> <ul style="text-align: justify; "> <li>हवी असलेली माहिती अर्जात विहित नमुन्यात स्पष्टपणे नमूद करावी,</li> <li>एका पानावर अनुक्रमणिका तयार करा आणि त्यामध्ये अर्जासोबत जोडलेल्या सर्व कागदपत्रांची पृष्ठक्रमांकासह नावे लिहा,</li> <li>प्रत्येक कागदपत्राच्या ५ प्रती तयार करा (2र्या अपीलाचा अर्ज, माहितीची विनंती, 1ल्या अपीलाचा अर्ज, लोकमाहिती अधिकार्याला फी दिल्याचा पुरावा, इ.) आणि त्या स्वसाक्षांकित करा. तुम्ही स्वतःसाठी आणखी एक प्रत तयार करू शकता.</li> </ul> <h3>अर्ज कसा पाठवावा?</h3> <ul style="text-align: justify; "> <li>अर्ज ५ प्रतींसह केवळ रजिस्टर पोस्टाद्वारेच पाठवावा.</li> <li>तसेच अर्जासोबत पोचपावती देखील जोडा.</li> <li>केंद्रीय माहिती आयोगाकडे अर्ज ऑनलाईन ही पाठवाता येतो. त्यासाठी <a class="ext-link-icon" href="http://rti.india.gov.in/hindi/rti_direct_complaint_lodging.php" target="_blank" title="rti.india.gov.in (External website that opens in new window)">येथे क्लिक करा</a>.</li> </ul> <h3>माहिती पुरविण्यासाठी कालमर्यादा</h3> <ul style="text-align: justify; "> <li>सर्वसामान्य प्रकरणांच्याबाबतीत निर्णय साधारणतः ३० दिवसांत देण्यात येतो. अपवादात्मक स्थितीत ही मर्यादा ४५ दिवसांपर्यंत जाऊ शकते.</li> <li>राज्य/केंद्रीय माहिती आयोगाकडे अर्ज पोहोचल्याच्या दिवसापासून निर्णयासाठीची कालमर्यादा मोजली जाते.</li> </ul> <h3>राज्य/केंद्रीय माहिती आयोगाने</h3> दिलेला निर्णय दोन्ही पक्षांवर बंधनकारक असतो. मात्र असंतुष्ट लोक अधिकारी राज्य/केंद्रीय माहिती आयोगाविरूध्द विरोधात उच्च न्यायालयात अपील करू शकतात.</div>