<div id="MiddleColumn_internal"> <h3><span class="maintitle" style="text-align: justify; ">कोण? कोण?</span><b><span style="text-align: justify; float: none; "> </span></b></h3> <p style="text-align: justify; ">पहाट झाली - सांगत कोण?<span class="Apple-converted-space"> </span><br />कुकुद्मच् - आणखी कोण?<span class="Apple-converted-space"> </span><br />विठू-विठू पोपट - आणखी कोण?<br />ताजं-ताजं दूध - देत कोण?<br />गोठयातली हम्मा - आणखी कोण?<br />चोरुन दूध - पितं कोण?<br />म्यॉव म्यॉव माऊताई - आणखी कोण?<br />घराची राखण - करतं कोण?<br />भू: भू: कुत्रा - आणखी कोण?<br />बागेतली भाजी - खातं कोण?<br />मऊ मऊ ससेभाऊ - आणखी कोण?<span class="Apple-converted-space"> </span></p> <hr /> <h3><span class="maintitle">ये रे ये रे पावसा</span></h3> <p style="text-align: justify; ">ये रे ये रे पावसा<br />तुला देतो पैसा<br />पैसा झाला खोटा<br />पाऊस आला मोठा</p> <p style="text-align: justify; ">पाऊस पडला झिम् झिम्<br />अंगण झाले ओले चिंब<br />पाऊस पडतो मुसळधार<br />रान होईल हिरवंगार.</p> <hr /> <h3><b> </b>आपडी थापडी</h3> <p style="text-align: justify; ">आपडी थापडी<br />गुळाची पाडी!<br />धम्मक लाडू<br />तेल काढू!<br />तेलंगीचे एकच पाव<br />दोन हाती धरले कान!<br />चाऊमाऊ चाऊमाऊ<br />पितळीतले पाणी पिऊ<br />हंडा-पाणी गडप!</p> <hr /> <h3>करंगळी, मरंगळी</h3> <p style="text-align: justify; ">करंगळी, मरंगळी<br />मधल बोट, चाफेकळी,<br />तळहात - मळहात,<br />मनगट - कोपर,<br />खांदा-गळागुटी-हनुवटी,<br />भाताचं बोळकं,<br />वासाचं नळक,<br />काजळाच्या डब्या,<br />देवाजीचा पाट,<br />देवाजीच्या पाटावर,<br />चिमण्यांचा किलबिलाट.</p> <hr /> <h3>भटो भटो</h3> <p style="text-align: justify; ">भटो भटो<br />कुठे गेला होतात?<br />कोकणात<br />कोणातून काय आणले?<br />फणस<br />फणसात काय?<br />गरे<br />गर्यात काय?<br />आठिळा<br />तुम्ही खा गरे, आम्ही खातो गरे<br />म्हशीला काय?<br />चार खंड</p> <hr /> <h3><span class="maintitle">लव लव साळूबाई</span></h3> <p style="text-align: justify; ">लव लव साळूबाई, मामा येतो<br />झुक झुक गाडीतून - नेईन म्हणतो<br />अटक मटक मामी येते<br />छानसा बॅट-बॉल देईन म्हणते<br />अबरू-गबरु येतो बंटया<br />देईन म्हणतो-सगळया गोटया<br />नको-नको मी इथंच बरा<br />आईच्या कुशीतच आनंद खरा</p> <hr /> <h3><span class="maintitle">चांदोबा लपला</span></h3> <p style="text-align: justify; ">चांदोबा लपला<br />झाडीत....<br />आमच्या मामाच्या<br />वाडीत....<br />मामाने दिली<br />साखरमाय....<br />चांदोबाला<br />फुटले पाय....<br />चांदोबा गेले<br />राईत....<br />मामाला नव्हते<span class="Apple-converted-space"> </span><br />माहीत....</p> <p style="text-align: justify; "> </p> <p style="text-align: justify; "><b>संकलन : छाया निक्रड </b></p> </div>