<div id="MiddleColumn_internal" style="text-align: justify; "> <h3 style="text-align: justify; ">अल्सर म्हणजे काय</h3> <p style="text-align: justify; ">पचनमार्गाच्या आवरणावर होणा-या जखमा म्हणजे अल्सर. अल्सर सामान्यपणे डिओडिनममध्ये (आतड्याच्या पहिल्या भागात) होतो किंवा पोटात होतो. (त्याला गॅस्ट्रीक अल्सर असे म्हणतात).</p> <h3 style="text-align: justify; ">अल्सर कशाने होतो</h3> <ol> <li>हेलिकोबॅक्टर पायरोली नावाच्या जिवाणू मुळे बरेचसे अल्सर होतात.</li> <li>आम्ल व इतर पाचक द्रव्ये पचनमार्गावर जळजळ करुन अल्सर होण्यास मदत करतात. जेव्हा शरिर जास्त आम्ल तयार करते तेव्हा किंवा पचनमार्गावर जखमा झाल्यास अल्सर होतो.</li> <li>अल्सर असणा-यांमध्ये तो शाररिक किंवा मानसिक त्रासाने वाढू शकतो.</li> <li>काही वेदनाशामक गोळ्यांच्या सतत सेवनाने देखील अल्सर होऊ शकतो.</li> </ol> <h3 style="text-align: justify; ">अल्सरची लक्षणे<strong> </strong></h3> <ol> <li>खाल्यावर चांगले वाटते पण २ ते ३ तासात अचानक तब्येत बिघडते (आतड्याचा अल्सर)</li> <li>खाल्यावर किंवा काही प्यायल्यावर मचुळ वाटते. (गॅस्ट्रीक अल्सर)</li> <li>रात्री जाग आणणारी पोट दुखी.</li> <li>पोटात जड वाटणे, आंबट ढेकर येणे, जळजळ किंवा पोट बिघडणे</li> <li>उलट्या</li> <li>अचानक वजनात घट</li> </ol> <h3 style="text-align: justify; ">अल्सरवरील काही सामान्य ऊपाय</h3> <ol> <li>धुम्रपान टाळा</li> <li>डॉक्टरने सांगितल्याशिवाय मनाने औषधे घेणे टाळा.</li> <li>कॅफेनचे सेवन किंवा दारु पिणे टाळा</li> <li>छातीत जळजळ असेल तर तिखट खाणे टाळा</li> </ol> <h3 style="text-align: justify; ">अल्सर धोकादायक असल्याची काही चिन्हे</h3> <ol> <li>उलटीवाटे रक्त जाणे</li> <li>उलटीवाटे फार पहिले सेवन केलेले अन्न वा पेय बाहेर पडणे.</li> <li>अशक्तपणा किंवा मळमळ जाणवणे.</li> <li>शौचास रक्त जाणे (रक्तामुळे शौचाचा रंग लाल किंवा काळा होतो)</li> <li>मळमळ होत राहणे किंवा सतत उलट्या होणे.</li> <li>पोटात अचानक जोरात दुखणे.</li> <li>वजनात घट होणे</li> <li>औषध घेऊन देखील दुखणे न थांबणे.</li> <li>दुखणे पाठी पर्यंत पोहोचणे.</li> </ol> <p style="text-align: justify; "> </p> <strong> स्त्रोत : पोर्टल कंटेंट टिम </strong></div>