हिपॅटायटीस अ हा यकृताचा एक दाह असून तो हिपॅटायटीस अ या विषाणूमुळं होतो.
विषाणूजन्य हिपॅटायटीस
दूषित पाणी किंवा अन्न किंवा सध्या ज्या व्यक्तीला हा रोग आहे त्याच्याशी संपर्क झाल्यानं हा रोग प्रसारीत होतो. हिपॅटायटीस अ हा विषाणू 15 ते 45 दिवसांच्या वाढीच्या काळात संक्रमित व्यक्तीच्या मलाव्दारे बाहेर टाकला जातो. यावेळी लक्षणं यायची असतात आणि आजाराच्या पहिल्या आठवड्यात हे घडतं.
हिपॅटायटीस अ याच्याशी निगडीत लक्षणं फ्लूसाखीच असतात, परंतु त्वचा आणि डोळे हे पिवळे होऊ शकतात. याचं कारण असं की यकृत हे रक्तातून बिलीरुबीन गाळून घेऊ शकत नाही. या विषाणूच्या अन्य सामान्य संक्रमणांमधे, हिपॅटायटीस ब आणि हिपॅटायटीस क यांचा समावेश होतो, परंतु हिपॅटायटीस अ हा कमी गंभीर स्वरुपाचा आणि सर्वात मवाळ असा रोग आहे. बाकी दोन्ही रोग हे तीव्र स्वरुपाचे आजार बनू शकतात, परंतु हिपॅटायटीस अ नाही.
अस्वच्छ अन्न आणि पाणी टाळणे, मलविसर्जनानंतर हात स्वच्छ धुणे आणि संक्रमित व्यक्तीचं रक्त, मल, किंवा अन्य शारीरिक द्रावाशी संपर्क झाल्यास हात अगदी स्वच्छ धुण्याव्दारे या विषाणूचे प्रसारण कमी करता येते.
लोकांशी निकटचा संपर्क असणा-या संस्थांमधे हिपॅटायटीस अ च्या जलद प्रसारासाठी पोषक वातावरण मिळते. प्रत्येक डायपर बदलल्यानंतर, अन्न वाढण्याच्या आधी आणि विश्रांतीगृहाचा वापर केल्यानंतर हात स्वच्छ धुण्याव्दारे या रोगाचा संस्थात्मक उद्रेक टाळता येतो.
हिपॅटायटीस अ असलेल्या व्यक्तींच्या निकट संपर्कात असलेल्या लोकांना इम्यून ग्लोब्यूलिन देण्यात यावे. हिपॅटायटीस अ च्या विरोधात संरक्षण देणारी लस उपलब्ध आहे. पहिला डोस घेतल्यानंतर चार आठवड्यांनी लस संरक्षण देण्यास प्रारंभ करते, दीर्घ संरक्षणासाठी सहा ते बारा महिन्यांनी बूस्टर डोस देणे आवश्यक आहे.
स्त्रोत : पोर्टल कंटेंट टिम
अंतिम सुधारित : 6/5/2020
अतिसार म्हणजे वारंवार मलप्रवृत्ती होणे, मल पातळ हो...
एक किंवा एकापेक्षा अधिक वेळा पातळ अगर पाण्यासारखी ...
तोंडामध्ये आकडे असलेल्या परजीवी कृमीला ‘अंकुशकृमी...
महिलांमध्ये त्वचेवर गांधी उठण्याची तक्रार मोठ्या प...