संधिशोथ

संधिशोथ म्हणजे काय ?

संधिशोथ म्हणजे संधींचा दाह. सांध्यातील वेदना, कडकपणा आणि सूज (असतील किंवा नसतील) निर्माण करणा-या संधिरोगांच्या समूहाचा उल्लेख या नांवाने होतो.

संधिशोथाचे तीन सामान्य प्रकार याप्रमाणेः

1. संधिवाताभ संधिशोथ
2. हाडांचा संधिशोथ
3. संधिवात

संधिशोथाची लक्षणे

• एखाद्या संधीमधे वेदना किंवा बधीरपणा (वेदना किंवा दबाव) येतो जी चालणे, खुर्चीतून उठणे, लिहीणे, टायपिंग करणे, एखादी वस्तु धरणे, भाज्या चिरणे इत्यादी हालचालींमुळं अधिक वाढते.
• सांधे सुजणे, कडक होणे, लालसरपणा आणि किंवा गरम होणे यांच्याव्दारे दिसून येणारा दाह.
• विशेषतः सकाळी कडकपणा जाणवणे
• संधिंची लवचिकता कमी होणे
• संधिंची मर्यादित हालचाल
• संधिंमधे विक़ृती येणे
• वजन कमी होणे आणि थकवा
• अविशिष्ठ ताप
• करकरणे (हालचाल केल्यावर अस्थीसंधिंमधे होणारा करकरण्याचा आवाज)

संधिशोथाचं व्यवस्थापन कसं करावं ?

सुयोग्य व्यवस्थापन आणि प्रभावी उपचारांनी संधिशोथासह आयुष्य जगणे सुसह्य होऊ शकते.

• संधिशोथाबद्दल माहिती घेणेः या समस्येची पूर्ण माहिती घेतल्यास त्याचं व्यवस्थापन करण्याव्दारे विकृती आणि इतर गुंतागुंत टाळता येते.
• रक्ताच्या चाचण्या आणि क्ष-किरण तपासणीव्दारे संधिशोथावर देखरेख ठेवणे
• डॉक्टरांनी सल्ला दिल्यानुसार नियमितपणे औषधे घेणे
• शरीराचं वजन नियंत्रित करणे
• चांगला आहार घेणे
• डॉक्टरांनी सूचना दिल्याप्रमाणे नियमितपणे व्यायाम करणे
• नियमित व्यायामाव्दारे तसेंच शिथिलीकरणाचे उपाय, पुरेशी विश्रांती घेणे, कामाचे नियोजन करणे यांच्याव्दारे तणाव आणि थकवा दूर ठेवणे
• औषधांच्या सेवनासोबतच योग आणि इतर पर्यायी उपचार पध्दतींचा वापर उपयुक्त ठरतो हे सप्रमाण सिध्द करण्यात आले आहे.