सुरक्षित मातृत्व म्हणजे सर्व महिलांना गर्भधारणा आणि बाळाचा जन्म या प्रक्रियेतून सुरक्षितपणे जाण्यासाठी माहिती आणि सेवांची सुविधा उपलब्ध असण्याची खात्री करणे. त्यात पुढील बाबी समाविष्ट होतात –
माता मृत्युची कारणे 3 श्रेणींमधे विभागता येतील – सामाजिक, वैद्यकीय आणि वैद्यकीय निगाविषयक सोयींची उपलब्धता.
सामाजिक कारणे |
वैद्यकीय कारणे |
वैद्यकीय निगाविषयक सोयींची उपलब्धता. |
|
|
|
प्रसुतिपश्चात् निगा म्हणजे एखाद्या गर्भवती महिलेला दिलेलं आरोग्य शिक्षण आणि नियमित वैद्यकीय तपासणी, जेणेकरुन लवकर निदान आणि ऊपचाराव्दारे गर्भधारणेचा निष्कर्ष सुरक्षित लावणे, मातेमधे विकृती आणि मृत्यु होण्याची प्रकरणं कमी करता येतील. उच्च धोका असलेली गर्भधारणा आणि उच्च धोक्याची प्रसुति वेदना लक्षणे तपासण्यासाठी देखील प्रसुतिपश्चात् निगा आवश्यक आहे. प्रसुतिपश्चात् निगेचे महत्वाचे भाग पुढीलप्रमाणे आहेतः
लवकर नोदणी करणेः गर्भधारणेची शंका आल्यानंतर लगेचच प्रसुतीपूर्व केंद्रात एखाद्या गर्भवती महिलेनं नोंदणीसाठी पहिली भेट दिली पाहिजे. पुनरुत्पादकक्षम वयातील प्रत्येक विवाहित महिलेनं, तिला आपण गर्भवती असल्याचे वाटल्यास तिला आपल्या आरोग्यसेवा केंद्रात भेट देण्यास किंवा माहिती देण्यास प्रोत्साहन द्यावे. आदर्शवत, पहिली भेट ही पहिल्या तिमाहीत (गर्भधारणेच्या पहिल्या तीन महिन्यांमधे), गर्भधारणेच्या 12 व्या आठवड्यापूर्वी किंवा त्यावेळी देण्यात यावी. तथापि, एखादी महिला आपल्या गर्भधारणेची नोंद उशीरा करण्यास आली असेल, तरी तिची नोंदणी करण्यात यावी आणि गर्भाच्या वयानुसार तिला निगा देण्यात यावी.
जी प्रसुतिपूर्व केंद्रं सुनियोजित आहेत तिथं काही गर्भवती महिला स्वतःहूनच येतील. तथापि अनेकजणी येणार नाहीत. अशावेळी आरोग्य निगा प्रदानकर्त्याने, आंगणवाडी कार्यकर्ता, पारंपरिक सुईण । दाई, महिला मंडळांचे सदस्य, स्वयंसहायता गट, पंचायत आणि ग्राम आरोग्य समित्या अशा गर्भवती महिलांबाबत माहिती असू शकणा-या समुदाय आधारित व्यक्तिंच्या मदतीनं यादी सुधारुन त्यानुसार सेवा पुरवावी.
वजन
एखाद्या गर्भवती महिलेचं वजन प्रत्येक भेटीच्या वेळेस तपासून पाहावे. सामान्यतः गर्भधारणेदरम्यान त्या महिलेचं वजन 9-11 किलोंनी वाढतं. पहिल्या तिमाहीनंतर, प्रत्येक गर्भवती महिलेचं दर महिन्याला 2 किलो किंवा दर आठवड्याला अर्धा किलो वजन वाढतं. तिचा आहार जर योग्य नसेल, आवश्यक कॅलरीजपेक्षा कमी असेल, तर त्या महिलेचं वजन गर्भधारणेदरम्यान केवळ 5-6 किलोंनीच वाढेल. त्या महिलेचं वजन दर महिन्याला 2 किलोपेक्षा कमी वाढलं असेल तर तिला पुरेसा आहार मिळत नाही अशी शंका घेता येईल. तिला पूरक आहारावर लक्ष ठेवण्याची गरज आहे. कमी प्रमाणात वजन वाढण्याचा हा संकेत असतो की गर्भाशयातील वाढ मंदावली आहे आणि त्याचा परिणाम बाळाच्या जन्मावेळी त्याचं वजन कमी राहण्यात होतो. अधिक वजन वाढण्यानं (एका महिन्यात 3 किलोपेक्षा जास्त) अशी शंका घेता येईल की प्रि-एक्लॅम्पसिया / जुळे असण्याची शक्यता आहे. तिला वैद्यकीय अधिका-यांकडे पाठवण्यात यावे.
उंची
मातेची उंची आणि प्रसुतिचा निष्कर्ष यांच्या दरम्यान एक संबंध आहे, किमान एखाद्या अगदी कमी उंचीच्या महिलेत लहान कटीभाग असण्यामुळे धोका वाढण्याची आंशिक शक्यता असते. 145 सेंटीमीटरपेक्षा कमी उंची असलेल्या नल्लीपॅरस महिलांना प्रसुतिच्या वेळी आकारमान बिघडण्याचा वाढीव धोका असतो आणि म्हणून त्यांना उच्च धोका असलेल्या माता म्हटलं जातं आणि त्यांच्यासाठी रुग्णालयात प्रसुति करवून घेण्याची शिफारस केली जाते.
रक्तदाब
गर्भधारणेतील अतितणावाच्या व्याधींची शहानिशा करण्यासाठी गर्भवती महिलांचा रक्तदाब नोंदवणे महत्वाचे आहे. हा रक्तदाब उच्च असेल (140/90 एमएम किंवा डायस्टोलीक 90 एमएम पेक्षा अधिक असेल) आणि लघवीमधे अल्ब्युमिन उपस्थित असेल तर त्या महिलेला प्रि-एक्लॅम्पसिया असल्याचे निदान करता येऊ शकते. जर डायस्टोलीक रक्तदाब 110 एमएम पेक्षा जास्त असेल तर त्या महिलेला हमखास एक्लॅम्पसिया झाल्याचा गंभीर इशारा मिळतो. अशा महिलेला तत्काळ CHC/FRU कडे पाठविण्यात यावे. एखाद्या महिलेला गर्भधारणेमुळं उच्च रक्तदाब / प्रि-एक्लॅम्पसिया निर्माण झाला असेल तर तिला रुग्णालयात दाखल करण्याची गरज असते.
पॅलर
गर्भवती महिलेचे पाल्पेब्रल नेत्रश्लेष्म, हातांचे तळवे आणि नखे, तोंडातील लाळ आणि जीभ फिकट दिसत असतील तर, त्या महिलेला अशक्तपणा असल्याचं सूचित होतं.
श्वसनाचादरः
संबंधित महिला श्वास लागण्याची तक्रार करत असेल तर तिचा श्वसनाचा दर मोजणे महत्वाचे आहे. जर हा दर प्रति मिनिट 30 श्वासापेक्षा जास्त असेल आणि फिकटपणा दिसत असेल तर त्या महिलेला तीव्र अशक्तपणा असल्याचं सूचित होतं आणि तिला तत्काळ डॉक्टरांचा सल्ला घेणं आवश्यक आहे.
सामान्य जलशोफ
सामान्य जलशोफाची उपस्थिती, चेह-यावर खरखरीतपणातून दिसते आणि प्रिएक्लॅम्पसियाची शंका घेण्यास वाव असतो.
ओटीपोटाची तपासणीः
गर्भधारणेची प्रगती आणि गर्भाची वाढ तसंच गर्भाची स्थिती यांवर देखरेख ठेवण्यासाठी ओटीपोटाची तपासणी करण्यात यावी.
लोह – फॉलीक असिड (आयएफए) पूरक पुरवठाःगर्भधारणेदरम्यान लोहाची वाढीव गरज आणि गर्भवती महिलांना अशक्तपणाचे धोके भर देऊन सांगावेत. सर्व गर्भवती महिलांना, गर्भधारणा झाल्यानंतर 14-16 आठवड्यांनी पहिल्या तिमाहीनंतर, किमान 100 दिवस दररोज आयएफएची एक गोळीची (100 मिलिग्रॅम मूलभूत लोह आणि 0.5 मिलीग्रॅम फॉलीक असिड) गरज असते. अशक्तपणा टाळण्यासाठी देण्यात येणारा हा आयएफएचा डोस आहे (रोग-प्रतिबंधक डोस). एखादी महिला अशक्त असेल (Hb<g/dl) किंवा तिला फिकटपणा असेल, तर तिला 3 महिने दररोज आयएफएच्या दोन गोळ्या द्या. याचा अर्थ गर्भधारणेत अशक्तपणा असणा-या महिलेला किमान 200 आयएफए गोळ्या घेणे आवश्यक आहे. आयएफएचा हा डोस अशक्तपणा बरा करण्यासाठीचा आहे (उपचाराचा डोस). ज्या महिलांना तीव्र स्वरुपाचा अशक्तपणा आहे ((Hb<7g/dl) किंवा ज्यांना अशक्तपणामुळे श्वसनाचा त्रास आणि टॅकीकार्डीआ आहे, त्यांना आयएफएचा उपचारात्मक डोस चालू करावा आणि पुढील व्यवस्थापनासाठी डॉक्टरकडे पाठविण्यात यावं.
टीटॅनस टॉक्सॉईड इंजेक्शन देणेः
नवजात बालकाला धनुर्वात होणे टाळण्यासाठी एखाद्या गर्भवती महिलेला TT इंजेक्शनचे दोन डोस देणे हे महत्वाचे आहे. यापैकी टीटॅनसचा पिहला डोस हा पहिल्या तिमाहीनंतर, किंवा ती महिला प्रसुतिपूर्व निगेसाठी नांव नोंदवेल त्यावेळी लगेच, यापैकी जे आधी असेल त्यावेळी देण्यात यावा. टीटीचे इंजेक्शन हे गर्भधारणेच्या पहिल्या तिमाहीत द्यायचे नसते. दुसरा डोस हा पहिल्या डोसच्या एक महिन्यानंतर, परंतु अपेक्षित प्रसुती तारखेच्या किमान एक महिना आधी देण्यात आला पाहिजे.
उदरात वाढणारा गर्भ मातेच्या आरोग्याची देखभाल, कळांदरम्यान लागणारी शारीरिक शक्ती आणि यशस्वीपणे दूध येण्यासाठी सर्व गरजा पूर्ण होतील असा एखाद्या गर्भवती महिलेचा आहार असावा. गर्भाच्या वाढीसाठी प्रथिनंयुक्त पदार्थ अत्यावश्यक असतात. शक्य असेल तर, गर्भवती महिलेनं भरपूर प्रमाणात दूध, अंडी, मासे, कोंबडी मांस आणि मांस आहारात घ्यावे. ती शाकाहारी असेल तर, तिला विविध प्रकारची कडधान्ये, भरपूर प्रमाणात डाळी आणि बदाम-अक्रोड आवश्यक आहेत.
लोह हे बाळाच्या रक्तनिर्मितीसाठी खूप महत्वाचे आहे आणि अशक्तपणा कमी करण्यासाठी / टाळण्यासाठी, तिने साखरेऐवजी गूळ खावा, रागी किंवा बाजरीचे पदार्थ खावेत, तिळ आणि भरपूर प्रमाणात गर्द हिरव्या पालेभाज्या खाव्यात. यकृत आणि मूत्रपिंड हे देखील लोहाने समृध्द असतात.
कॅल्शिअम हे बाळाच्या हाडं आणि दातांच्या निर्मितीसाठी आवश्यक आहेत. कॅल्शिअमचा सर्वात चांगला स्रोत म्हणजे दूध. कॅल्शिअम हे रागी आणि बाजरीतसुध्दा उपलब्ध असते. तिला लहान वाळवलेले मासे खाण्यास देखील प्रोत्साहन द्यावे. गर्भवती महिलेसाठी जीवनसत्वं महत्वाची आहेत. तिने भरपूर प्रमाणात पालेभाज्या (विशेषतः गर्द हिरव्या पालेभाज्या) आणि लिंबूर्गीयसह फळे खावीत.
जलशोफ टाळण्यासाठी किंवा कमी करण्यासाठी आहारातील मिठाचे प्रमाण कमी असावे. गर्भवती महिलेचा आहार सामान्य असेल परंतु तिने खारट पदार्थ टाळावेत, आणि अन्न शिजवताना थोडे मीठ वापरावे किंवा अजिबात वापरु नये. विशेषतः लघवीमधे श्वेतक असेल तर, विषबाधा टाळण्यासाठी उच्च प्रथिनंयुक्त आहार घ्यावा. मातेनं प्रथिनंयुक्त पदार्थांचे सेवन वाढवण्यासाठी तिला सल्ला देण्यात यावा.
गर्भधारणेदरम्यान अति प्रमाणात शारीरिक श्रम केल्याने गर्भाधारणेशी संबंधित समस्या उद्भवतात, जसे, गर्भपात होणे, अवेळी कळा येणे किंवा कमी वजनाचे बाळ जन्मणे, विशेषतः त्या मातेचा आहार कमी असेल तर अशा समस्या होतात. त्यामुळं महिलांना गर्भधारणेदरम्यान अति प्रमाणात शारीरिक श्रम टाळण्यास सांगावे. जर त्यांना काम पूर्णपणे टाळता येत नसेल तर, कामांच्या दरम्यान त्यांना शक्य तितकी विश्रांती मिळण्याची खात्री करावी. एखाद्या गर्भवती महिलेला देखील शक्य तितकी विश्रांती मिळणे आवश्यक आहे. तिने आडवे पडून आराम करावा.
अंतिम सुधारित : 8/23/2020
या विभागात अ जीवनसत्वाच्या कमतरतेमुळे म्हणजेच योग...
म्हातारपण किंवा दीर्घ आजारपण यामुळे माणूस अंथरुणाल...
अतिसार म्हणजे वारंवार मलप्रवृत्ती होणे, मल पातळ हो...
डॉक्टर्स आणि नर्सेस एवढेच मनुष्यबळ गृहीत धरून स्वा...