1) सोलर टनेल ड्रायर अर्ध दंडगोलाकार, 3 x 6 मीटर आकाराचा आहे. याची उंची दोन मीटर आहे.
2) 25 मि.मी. आकाराचे लोखंडी पाइप अर्धगोलाकार आकारात वाकवून सोलर टनेल ड्रायर तयार केला आहे.
3) टनेल ड्रायरचा जमिनीलगतचा पृष्ठभाग सिमेंट कॉंक्रीटचा बनविलेला आहे. त्यावर काळा रंग दिलेला आहे. काळा रंग सूर्यकिरणातील जास्त उष्णता शोषून घेतो, तसेच उत्तर दिशेला आतून नॉर्थ वॉल बसविलेली आहे.
4) अर्धगोलाकार पाइपवर अल्ट्रा व्हायोलेट पॉलिथिलीन फिल्म (200 मायक्रॉन जाडी) झाकलेली आहे.
5) सोलर टनेल ड्रायरमध्ये दिवसा "ग्रीन हाऊस इफेक्ट'मुळे आतील तापमानात बरीच वाढ होते. आतील तापमान वातावरणातील तापमानापेक्षा 15 ते 20 अंश सेल्सिअस अधिक राहते. भर दुपारी ते 60 ते 65 अंश सेल्सिअसपर्यंत पोचते.
6) वाढलेल्या तापमानाचा उपयोग धान्य/ भाजीपाला/ फळे वाळविण्याकरिता करण्यात येतो.
7) ड्रायरमधील गरम हवा व सूर्याची किरणे या दोन्हीद्वारा पदार्थाची आर्द्रता लवकरात लवकर कमी होते, पदार्थ सुकण्यास मदत होते.
8) या ड्रायरमध्ये अतिनील किरणे आत शिरत नसल्यामुळे पदार्थाची चव, रंग व गुणवत्ता टिकून राहते. बाहेरपेक्षा कमी कालावधीत पदार्थ सुकल्यामुळे उच्च गुणवत्तेचे पदार्थ प्राप्त होतात.
सोलर टनेल ड्रायरची वैशिष्ट्ये -
1) ड्रायरची आवश्यकतेनुसार विविध आकारांची संरचना करता येते.
2) सोलर टनेल ड्रायर पूर्व-पश्चिम दिशेस बांधावा.
3) स्थानिक पातळीवर उपलब्ध साहित्यातून तयार करता येतो.
डॉ. सुरेंद्र काळबांडे - 7588763787
अखिल भारतीय समन्वयित संशोधन प्रकल्प, अपारंपरिक ऊर्जास्रोत योजना,
डॉ. पंजाबराव देशमुख कृषी विद्यापीठ, अकोला
माहिती संदर्भ : अॅग्रोवन
अंतिम सुधारित : 10/7/2020
सोलर टनेल ड्रायरमध्ये सफेद मुसळी, पान पिंपरी, हळद,...
या माहितीपटात सोलर वॉटर हिटर बनवण्याची कृती दिलेली...
छपरांवर सोलर पॅनल्स बसवण्याचा एक अप्रत्यक्ष फायदा ...