Skip to content. | Skip to navigation

Vikaspedia


T2 2019/06/16 18:27:28.378306 GMT+0530
शेअर करा

T3 2019/06/16 18:27:28.383751 GMT+0530
Views
  • स्थिती: संपादनासाठी खुला

T4 2019/06/16 18:27:28.413088 GMT+0530

वांगी पिक उत्पन्न

जर बाजारपेठेचा अंदाज घेऊन, पिकाचं योग्य नियोजन करुन आणि त्याचं दणकट मार्केटिंग केलं, तर काय होतं, हे दाखवून दिलंय तुळजापूर तालुक्यातील मोर्टा गावच्या शेतकऱ्यानं.

प्रस्तावना

उस्मानाबाद: शेती म्हटलं की आपल्याकडे नाकं मुरडतात किंवा शेतीत काय मिळतं? शेती करुन काय फायदा? शेतमालाला भाव तरी मिळतो का? असे शेकडो प्रश्न विचारले जातात. अर्थात त्यातले काही बरोबरही आहेत. कारण आपल्या सरकारच्या धोरणामुळं शेतकरी शेतीपासून दुरावू लागला आहे. पण जर बाजारपेठेचा अंदाज घेऊन, पिकाचं योग्य नियोजन करुन आणि त्याचं दणकट मार्केटिंग केलं, तर काय होतं, हे दाखवून दिलंय तुळजापूर तालुक्यातील मोर्टा गावच्या शेतकऱ्यानं. त्यांचं नाव आहे सत्यवान सुरवसे.

सहा एकरात, सहा महिने पिकवलेल्या वांग्यानं त्यांना ७२ लाख रुपये मिळवून दिले आहेत.

यशोगाथा

दोन वर्षांपूर्वी दुष्काळानं त्यांच्या जमिनीला भेगा पाडल्या. तुळजापुरातल्या मोर्टा गावच्या सत्यवान सुरवसेंनी आपली 12 एकरवरची द्राक्षबाग भुईसपाट केली. वाटलं सगळं काही संपलं. पण दृष्टांत व्हावा असं काही तरी झालं आणि सत्यवान यांच्यावर दुष्काळात पैशाचा पाऊस पडला. द्राक्ष बागा मोडल्या पण बागेच्या अँगलनं वांग्याला आधार दिला. आणि वांग्यानं सुरवसेंना.

6 एकरात मोठ्या जिद्दीनं वांग्याची रोपं लावली. घरातला प्रत्येकजण शिवारात राबू लागला. आणि 2 महिन्यांनी पहिलं फळ हाती आलं. वांगं... तेही छोट्या फणसाएवढं किंवा दुधी भोपळ्याएवढं. 6 महिने, 6 एकर, 300 टन वांगी आणि उत्पन्न तब्बल 72 लाख रुपये.

आतापर्यंत 7 एकरच्या मालकीण असलेल्या सुरवसेताई थेट 95 एकरच्या मालकीण झाल्या आहेत.

पण ही काही लॉटरी नव्हती. त्यामागे होते अपार कष्ट.  कारण इथे ना पाणी होतं, ना काळी जमीन.

फक्त पीक घेणं हे आव्हान नव्हतं, तर इतक्या पिकाला मार्केटही मिळायला हवं. म्हणून सुरवसेंनी थेट हैदराबादची बाजारपेठ गाठली. लग्नसराई साधली आणि मग काय 72 लाखांचा पाऊस.

सत्यवान सुरवसे फक्त दहावी पास आहेत. पण या अवलियानं खडकाळ जमिनीत सोनं पिकवलं. आज त्यांच्याकडे गाडी आहे. बंगला आहे. जमीन जुमला आहे. त्यांच्या या प्रयोगशीलतेचं अनुकरण आता अनेकजण करताहेत.

दुष्काळात रडणारे अनेक असतात. पण लढणारे कमी. दुष्काळाला पुरुन उरलेल्या या सत्यवानाच्या दर्शनासाठी आता राज्यभरातून लोक येत आहेत. शेतीचं वांगं कसं करायचं हे अनेकांना कळतं. पण वांग्याची शेती करावी तर ती सुरवसेंनीच.

 

स्त्रोत : ABP, माझा, ३ फेब्रुवारी २०१४

2.89873417722
patil m s Feb 03, 2016 01:52 PM

really is true story

Naresh Dec 13, 2015 10:26 PM

शेतीचं वांगं कसं करायचं हे अनेकांना कळतं. पण वांग्याची शेती करावी.........

अप्रतिम लेखन.

मायमराठी भाषेच्या या नखरेल अदाकारीला फार छान न्याय दिला आहे.

लेखकाचे मनापासून कौतुक

avinash pawar Sep 09, 2015 10:23 PM

सर तुम्ही वांग्याची जात कोणती निवडली आणि त्याची पाकिंग आणि कोणत्या महिन्यात लागवड केली माझा मो नो आहे ९५०३८1६२९२

ARVIND SHENDE May 27, 2015 08:06 PM

सुरवसे जी
तुमी वांगे कशा पडतीने लावावी हे सागीयाल नाही ते सांगा PLEASE

Anil misal Feb 04, 2015 06:56 PM

96*****58

आपल्या सूचना पोस्ट करा

(वरील विषयासाठी जर तुमच्या काही प्रतिक्रिया किंवा सूचना असतील तर या ठिकाणी नोंदवा)

Enter the word
नेवीगेशन

T5 2019/06/16 18:27:29.078308 GMT+0530

T24 2019/06/16 18:27:29.084267 GMT+0530
Back to top

T12019/06/16 18:27:28.214588 GMT+0530

T612019/06/16 18:27:28.232797 GMT+0530

T622019/06/16 18:27:28.368002 GMT+0530

T632019/06/16 18:27:28.368816 GMT+0530