वाघ हा मार्जार कुळातील प्राणी असून भारताचा राष्ट्रीय प्राणी आहे. मार्जार कुळातील सर्वात मोठा प्राणी म्हणून याची गणना होते व अन्न साखळीतील सर्वात टोकाचे स्थान वाघ भूषवतो. वाघांचे खरे माहेरघर हे भारत मानले जाते. पूर्वी येथे वाघ मुबलक प्रमाणात आढळत होते. परंतु शिकार व वसतीस्थानाचा नाश यांमुळे वाघांची संख्या फारच कमी झाली आहे. त्यांची संख्या चिंताजनक आहे. आज प्रामुख्याने जंगली वाघ हा भारत, ब्रह्मदेश, थायलंड, चीन व रशिया या देशात आढळतो.
वाघाचे वसती स्थान हे मुख्यत्वे दाट ते अतिशय घनदाट जंगलात असते. राजस्थानातील शुष्क जंगले, तसेच सुंदरबन मधील खारफ़ुटीची जंगले, काझ़ीरंगातील गवताळ जंगल असे विविध प्रकारच्या जंगलात वाघाचे वास्तव्य आहे. वाघ हा पूर्णत: मासाहारी प्राणी आहे. वाघाची मुख्य शिकार मध्यम ते मोठ्या आकाराचे प्राणी आहेत. त्यात हरणे, सांबर, चितळ, भेकर, रानडुक्कर, नीलगाय, रानम्हैस हे प्राणी वाघाचे आवडते खाद्य आहे.
माहिती संकलन : अतुल पगार
अंतिम सुधारित : 1/30/2020
स्वतंत्र भारताचे पहिले पंतप्रधान होण्याचा मान पंडि...
बालदिन २० नोव्हेंबरला जागतिक बालदिन असतो. भारतात म...
जगातील सात नवी आश्चर्ये
२६ जानेवारी हा दिवस भारतीय प्रजासत्ताक दिवस म्हणून...