श्वसनसंस्थेमध्ये घशापासून ते फुप्फुसातल्या सूक्ष्म श्वासनलिकांपर्यंत काहीही आजार झाला, की खोकला येण्याची शक्यता असते. तसेच फुप्फुसदाहाने काही द्रवपदार्थ श्वासनलिकांमध्ये आल्यास खोकला येतो. खोकला म्हणजे श्वसनसंस्थेला नको असलेले पदार्थ बाहेर टाकण्यासाठी होत असलेला प्रयत्न. जेव्हा टाकाऊ पदार्थ फारसा तयार होत नसेल व दाहही होत असेल तेव्हा 'कोरडा' खोकला येतो. याउलट जेव्हा टाकाऊ पदार्थ जास्त असतो तेव्हा 'बेडके' पडतात (याला काही जण 'जड खोकला' किंवा कफ असे म्हणतात)
या बेडक्यातला मुख्य पदार्थ म्हणजे श्वासनलिकांमधून पाझरणारा चिकट द्रव. काही वेळा यात 'पू' किंवा रक्तही पडते. बेडक्याच्या रंगावरून आणि वासावरून आतला रोग काय असेल याचा अंदाज करतात. बेडक्यातून, खोकल्यातून रक्त पडते तेव्हा प्रथम क्षयरोग व मग कॅन्सरची शंका घ्यावी. बेडका हिरवट व पू-मिश्रित असेल तर न्यूमोनिया किंवा फुप्फुसातले गळू हे त्याचे कारण असू शकते.
http://www.arogyavidya.net/arogyavi/tabel010.swf
लेखक : डॉ. श्याम अष्टेकर
(MBBS, MD community Medicine)
संदर्भ : आरोग्यविद्या
अंतिम सुधारित : 5/25/2020
आजीबाईंच्या बटव्यात दिलेले उपाय प्राथमिक स्वरूपाचे...
कोरडा खोकला म्हणजे ज्याबरोबर खाकरा, बेडका, कफ पडत...
खोकला : (कास). श्वसन तंत्रात (श्वसन संस्थेत) दाबून...
खोकला, पडसे आणि जास्त गंभीर आजारांच्या बाबतीत सू...