कॅस्कॅरिला बार्क

कॅस्कॅरिला बार्क

क्रोटन इल्युटेरिया व क्रो. कॅस्कॅकरला (कुल-यूफोर्बिएसी) या ब्रहामातील लहान वृक्षांच्या सालीला हे नाव दिले जाते.

जमालगोटा व पांढरी या भारतात आढळणाऱ्यावनस्पतींच्या वंशातील हे वृक्ष असल्याने त्यांची काही शारीरिक लक्षणे सारखी आहेत. या सालीत राळेसारखा पदार्थ, अनेक तेले, कॅस्कॅरिलीन हे कडू द्रव्य इ. पदार्थ असतात.

क्विनीनचा अंशही नसताना सिंकोनाऐवजी ती मलेरियावर वापरीत, वस्तुतः हिच्यात औषधी गुण जवळजवळ नाहीत; तथापि क्वचित जठरोत्तेजक व पौष्टिक औषधी म्हणून हिचा उपयोग करतात.

जळताना सुवास येतो म्हणून तंबाखूत हिचा भुगा मिसळून ओढतात.

लेखक: न. द. हेर्लेकर

स्त्रोत: मराठी विश्वकोश