ओसाका इंपीरिअल व कनसाई विद्यापीठांसारख्या महात्वपूर्ण शैक्षणिक संस्था अनेक सुंदर उद्याने, उपवने; सहाव्या शतकातील शिटेनोजी बुद्धमंदिर; दहाव्या शतकातील टेमांगू हे शिंतो धर्माचे देऊळ; चौथ्या शतकापासूनचे राजवाडे इत्यादींवरून ओसाकाचे सांस्कृतिक व ऐतिहासिक महत्व दिसून येते. नानिवा हे शहराचे प्राचीन नाव. १५८२ मध्ये हिडेयोशी टोयोटोमी ह्या प्रबळ सरदाराने येथील प्रसिद्ध दगडी किल्ला बांधल्यापासून व्यापारउदीमाची बेसुमार वाढ होऊन जपानच्या प्रमुख शहरात याची गणना होऊ लागली.
जपानच्या कापड-उद्योगातील ओसाकाचे स्थान आजही श्रेष्ठ असले तरी अवजड उद्योगांचीही येथे वाढ झाली आहे. पोलाद, रसायने, औषधे, यंत्रे, सिमेंट, विजेची उपकरणे, जहाजे हे येथील काही महत्वाचे उद्योग होत. व्यापारी बँका, पेढ्या, विमा कंपन्यांच्या भोठमोठ्या कचेऱ्या यांनी ओसाका गजबजलेले असून, घाऊक व्यापाराची पेठवार विभागणी हे येथील वैशिष्ट्य चटकन नजरेत भरते. पश्चिम जपानची ही आर्थिक व व्यापारी राजधानी समजली जाते. जुसऱ्या महायुद्धातील बाँबहल्ल्यात शहराचा बराच भाग उद्ध्वस्त झाला. टोकिओ- योकोहामा विभागातील उद्योगधंद्यांना उत्तेजन देण्याच्या शासकीय निर्णयासारख्या अनेक कारणांनी येथील विकासाचा वेग काहीसा मंदावला, तरी त्यामुळे ओसाकाच्या व्यापारी व औद्योगिक महत्वास फारशी झश लागलेली नाही; म्हणूनच १९७० चे अक्स्पो प्रदर्शन याच शहराच्या परिसरात भरले होते. या प्रदर्शनास साडेसहा कोटी लोकांनी भेट दिली.
ओक, द. ह.
स्त्रोत: मराठी विश्वकोश
अंतिम सुधारित : 4/22/2020
मेजी : (? – १८५२–३० जुलै १९१२). जपानी सम्राट (कार,...