अ‍ॅस्ट्राखान
अ‍ॅस्ट्राखान
अ‍ॅस्ट्राखान
रशियातील अ‍ॅस्ट्राखान प्रांताची राजधानी व कॅस्पियन समुद्रावरील प्रमुख बंदर. लोकसंख्या ४,११,००० (१९७०). हे व्होल्गा नदीच्या दक्षिण तीरावर, तिच्या त्रिभुजप्रदेशाच्या शिरोभागी, मुखापासून ८८किमी. आत समुद्रसपाटीखाली सु. १५ मी. आहे.तार्तरांची ही एके काळची राजधानी; १५५६ मध्ये रशियाने जिंकली.
दुष्काळ, रोगराई, आग, पूर यांचे अनेक तडाखे बसूनही पृष्ठभागी व्होल्गाचा समृद्ध प्रदेश, मोक्याचे स्थान व कॅस्पियन समुद्रातील मत्स्यसंपत्ती यांमुळे ॲस्ट्राखानची झपाट्याने वाढ झाली. रशियातील मत्स्योद्योगाचे हे एक प्रमुख केंद्र आहे.
याशिवाय येथे जहाजबांधणी, लाकूड, अन्नपदार्थ, मद्योत्पादन इत्यादींचे उद्योग असून मीठ, कापूस, द्राक्षे व इतर फळे आणि पेट्रोलियमचा मोठा व्यापार आहे. वर्षातून सु. चार महिने हे बंदर गोठलेले असते.
लिमये, दि. ह.
स्त्रोत: मराठी विश्वकोश
अंतिम सुधारित : 11/17/2015
ब्रिटिश बेटांपैकी आयरिश समुद्रातील एक बेट, क्षेत्र...
तेल आवीव्ह–जाफा : इझ्राएलची जुनी राजधानी व प्रमुख ...
अ‍ॅडिलेड : ऑस्ट्रेलियातील चौथ्या क्रमांकाचे शहर व ...
पा ले र्मो : प्राचीन पॅनॉर्मस, अरबी खालेसा. इटलीमध...
