एस. के. माने, माणगाव, जि. रायगड
सौर वाळवणी यंत्र :
साठवणीसाठी धान्य योग्य आर्द्रतेपर्यंत सुकविणे आवश्यक असते. यासाठी अनेक प्रकारांमध्ये सौर वाळवणी यंत्र (सोलर ड्रायर) उपलब्ध आहे. वरती धुराडे असलेला कॅबिनेट ड्रायर विविध पिकांसाठी उपयोगी ठरतो.
नदी, नाले किंवा विहिरी इत्यादी स्रोतांपासून पाणीपुरवठा करण्यासाठी सौर ऊर्जेचा वापर होऊ शकतो. सौर पंप प्रणालीमध्ये चार मुख्य भाग असतात... 1) सौर फोटोव्होल्टाइक मॉड्युल पॅनेल, 2) विद्युतभार कंट्रोलर, 3) प्रत्यावर्ती (डी. सी.) पंप, 4) पाइप.
सौर पंप प्रणालीमध्ये फोटोव्होल्टाइक मॉड्युल हा मुख्य भाग असून, यामध्ये अनेक सौर मॉड्युल एकमेकांना पंपाच्या शक्तीनुसार जोडलेले असतात. सौर प्रत्यावर्ती पंप सकाळी 8.30 वाजल्यापासून ते संध्याकाळी 4.30 वाजेपर्यंत स्वच्छ सूर्यप्रकाश असल्यास विनातक्रार कार्य करतात.
सौर पंप उपयोगामध्ये नसताना सौर बॅटरी चार्जिंग प्रणालीद्वारा बॅटरी चार्जिंग करण्यासाठी उपयोग करता येतो. विद्युतभारित बॅटरीद्वारा कन्व्हर्टर वापरून विविध विद्युत उपकरणे वापरता येतात.
वीजनिर्मितीसाठी सौर पॅनेलचा उपयोग होतो. सौर पॅनेलची काच विशिष्ट प्रकारची असल्यामुळे सहज फुटत नाही. त्यामुळे सौर पॅनेलची विशिष्ट निगा ठेवावी लागत नाही. हे संच तीन वॉट ते 75 वॉट या क्षमतेमध्ये उपलब्ध आहेत. विजेच्या मागणीप्रमाणे पॅनेलच्या संचाची संख्या ठरविली जाते.
संपर्क : 02358-282414
कृषी अभियांत्रिकी आणि तंत्रज्ञान महाविद्यालय, दापोली, जि. रत्नागिरी
स्त्रोत: अग्रोवन
अंतिम सुधारित : 10/7/2020
नवीन व नवीकरणीय ऊर्जा स्त्रोतांपासून (अपारंपारिक ...
मानवाच्या विकास उन्नतीमध्ये विद्युत ऊर्जेला अत्यंत...
नवीन व पुर्नवापरायोग्य ऊर्जा मंत्रालय मोठ्या शहरां...
ऊर्जे विषयीच्या बातम्या