অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

काकडी, दोडका प्रतवारी विक्री

काकडी, दोडका प्रतवारी विक्री

काकडी लागवड

1) मी 3 जून रोजी एक एकर द्राक्षखुंट लागवडीच्या क्षेत्रामध्ये आंतरपीक म्हणून काकडी लागवड केली होती. काकडीचे पीक आता चांगले वाढीच्या अवस्थेत असून, त्याचे आतापर्यंत 16 तोडे झाले आहेत. एक दिवसाआड तोडा सुरू आहे. आतापर्यंत 150 क्रेट (20 किलोचा एक क्रेट) उत्पादन झाले आहे. नाशिक बाजारपेठेत प्रति क्रेट 650 रुपये दर मिळाला.

2) काकडीच्या दर्जेदार उत्पादनासाठी खत व्यवस्थापन महत्त्वाचे आहे. पहिल्यांदा मी ठिबकमधून 19-19-19 हे खत देत होतो. आता शेंड्याचा वाढीचा जोर जास्त असल्याने हे खत देणे बंद केले आहे. सध्या दर तीन दिवसांआड 12-61-0 पाच किलो प्रति एकरी देत होता. यामुळे फळाची फुगवण चांगली आहे. अजून 15 दिवस काकडी चालेल.

3) कीड नियंत्रणासाठी एकरी 15 चिकट सापळे लावले आहेत. कृषितज्ज्ञांच्या सल्ल्याने कीडनाशाकांची फवारणी घेतो. वेली चांगल्या पद्धतीने बांधल्या आहेत. वेलीची गर्दी कमी ठेवली आहे, त्यामुळे शेतात हवा खेळती रहाते. फळांची वाढ चांगली होते. हिरवेपणा वाढतो. त्यामुळे व्यापाऱ्यांच्याकडून काकडीला वाढती मागणी आहे. शेतात वेलीची गर्दी झाली तर काकडी पांढरी पडते. वाढ योग्य होत नाही. बाजारपेठेत अशा काकडीला दर कमी मिळतो.

  • काकडीच्या गुणवत्तेसाठी मी वेलाची योग्य पद्धतीने बांधणी केली आहे. त्यामुळे काकडीची गुणवत्ता वाढते, मजुरांना फळांची तोडणी सोपी जाते.
  • सध्या काकडीची तोडणी सकाळी आठ वाजता करतो. तोडणीनंतर काकडी स्वच्छ पाण्यात धुऊन व्यापाऱ्यांच्या मागणीनुसार प्रतवारी करतो. प्रतवारीनुसार काकडी क्रेटमध्ये भरून नाशिक बाजारपेठेत पाठवितो. काकडी धुतली नाही तर गुणवत्ता चांगली राहत नाही. त्यामुळे दर मिळत नाही. त्यामुळे स्वच्छ धुऊन त्यानंतरच बाजारात काकडी पाठविली जाते.

दोडका पिकाचे नियोजन


1) जून महिन्याच्या पहिल्या आठवड्यात एक एकर दोडका लागवड केली होती. पीक चांगले वाढीच्या अवस्थेत आहे. सध्या दर तीन दिवसांनी तोडणी सुरू आहे. आतापर्यंत 10 तोडे झाले आहेत.

2) एका तोड्यात 10 क्रेट (10 किलोचा एक क्रेट) उत्पादन मिळते. सरासरी प्रति क्रेट दर 650 रुपये मिळाला आहे.

  • सध्या दोडका पिकाला ठिबकमधून दर तीन दिवसांनी पाच किलो 12-61-0 हे खत देत आहे.
  • दोडक्‍याची प्रतवारी करूनच क्रेटमध्ये भरतो. नाशिक बाजारपेठेत दोडक्‍याला मागणी आहे. दोडका अजून ऑगस्ट महिन्यापर्यंत चालेल.

 

संपर्क - 9552215712 
साहेबराव नामदेवराव गवळी, 
विंचुरगवळी, जि. नाशिक.

स्त्रोत: अग्रोवन



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate